Туристи оставија хаос во вила во Хрватска, сопствениците згрозени - Столчиња фрлени во базен, купишта ѓубре (видео)

Детали

понеделник, 13 јули 2026

Откако видеото од хаосот стана вирално, јавноста се подели - едни се згрозени од глетката, а други застанаа во одбрана на туристите, велејќи дека тие во цената платиле и за чистење на вилата по нивното заминување. Каков е вашиот став? 

Сопственици на вила во местото Новаља, на островот Паг, останале шокирани откако дошле да ја исчистат по заминувањето на група британски туристи.

Тие снимиле видео во каква состојба ја нашле вилата, во која, туристите биле само пет дена - расфрлани шишиња, храна, ќеси, апостолки, пластика, превртени лежалки покрај базенот, тоалетна хартија, пешкири, заборавена облека, картонски кутии...

Во базенот се фрлени столчиња, пластични лежалки, а има и ѓубре што лебди на површината на самиот базен.

Тие фрлале предмети и преку оградата на вилата, во туѓ двор.

Сликата што ја виделе пред себе, ги згрозила сопствениците на вилата, а видеото што го објавија, масовно се споделува преку социјалните мрежи.

Коментарите се поделени. Едни се, исто така, згрозени од тоа што го гледаат и ја коментираат некултурата на туристите.

Други, пак застанаа во нивна одбрана и велат дека ако платиле неколку илјади евра, сигурно очекувале некој да го исчисти хаосот по нив и дека во цената е сигурно вклучена и надокнада за чистење, која си ја пресметуваат тие што изнајмуваат недвижнини.

Погледнете го видеото:

А. Ј. | Црнобело