„Му купи пиштол на синот, па проба да се самоубие по неговата смрт“ - сопругата на Мишо Ковач со детали за семејната трагедија

Анита ми Мишо веднаш отишле во болница и тоа бил последен пат кога таа го видела својот син.

„Имаше завој околу челото, а лекарите беа оптимисти дека ќе закрепне.

Ни кажаа дека куршумот поминал низ фронталниот дел од мозокот и дека Еди ќе преживее, но дека веројатно ќе има проблеми со моториката на десната рака.

Ништо не наговестуваше лош крај“, рекла Анита за ноќта во која било пукано во Еди.

По ова, тој се опоравувал уште неколку дена во болница, каде што починал.

„Како што ми кажаа подоцна, еден од докторите дошол на визита и го тргнал ќебето со кое бил покриен Еди. Бил шокиран кога видел дека стомакот му е отечен и полн со течност.

Итно го префрлиле во друга болница и откриле дека е полн со бактерии. Еди починал од сепса поради нечија намерна или ненамерна грешка, почина во најголеми мачи и тоа ми е најтешкото нешто да го прифатам.

Нашиот син не требаше да умре“, кажала таа.

Анита додала дека по ова, Мишо целосно се скршил, особено што првичните прогнози за Еди биле охрабрувачки и ништо не навестувало трагичен крај.

Брзо потоа, таа сфатила дека пејачот нема да може да се справи со тагата од губењето на својот син.

„Се распаѓав и јас, но му кажав на Мишо дека мора да ‘се собереме’ поради Ивана.

Таа беше на чувствителна возраст, имаше 14 години, го загуби својот сакан постар брат, а потоа нè гледаше двајцата како само плачеме и молчиме.

Нашето мало девојче страдаше само“, рекла Анита.

Ова биле најтешките денови во нејзиниот живот. А смртта на Еди доведе и до целосно распаѓање на семејството.

Мишо ги напушти сопругата и ќерката за многу помлада жена, а Ивана стана зависна од дрога, па дури и се обиде да си го одземе животот пиејќи прекумерна количина лекови.

Сето ова беше тешко за пејачот. Не можејќи да се носи со болката, една вечер, на свои 58 години, Мишо проба да се самоубие.

Како што кажа подоцна, од фиока зел непријавена „берета“ од 7,65mm, ја ставил цевката од пиштолот на левата страна од градите и пукал.

Кога сфатил дека срцето сè уште му чука, го зел мобилниот телефон, се јавил на својот менаџер и му кажал што направил.

Тој, пак, веднаш повикал итна помош, а Мишо бил префрлен во Клиничкиот и болнички центар „Ребро“, каде што бил опериран и неговиот живот бил спасен.

Пејачот денес има 85 години (роден е на 16 јули 1941) и ретко се појавува во јавноста, но низ годините успеа да го подобри односот со ќерката.

А. Ј. | Црнобело