Прва фотографија и изјава на Србинот повреден во авионот на Ryanair: „Се сеќавам на експлозијата, го слушам звукот штом затворам очи“

Детали

среда, 22 јули 2026

„Ми кажаа дека сум се онесвестил и дека лицето ми било потечено и деформирано од притисокот, од силината на ветерот поради брзината со која летал авионот. Повремено ми се враќаат слики во главата, звукот на експлозијата, хаосот, но сакам да се опоравам“, вели Љубиша (61), кој мора 6 недели да носи Шанцова кравата.

Љубиша Каровиќ (61), Србинот кој беше повреден на летот од Солун кон Минхен, откако прозорец се скрши и поради декомпресија во авионот и силните воздушни струи му го повлече телото надвор, се чувствува многу подобро.

Тој и неговата сопруга Светлана веќе неколку дена се во изнајмен стан во Катерини, Грција, пишува The Guardian, медиумот кој објави прва фотка од Љубиша по незгодата, како и негова изјава.

Каровиќ, кој е сопственик на фабрика за алуминиум, носи Шанцова кравата, која и ќе ја носи шест недели според препораките на докторите, а на рацете му се гледаат изгореници, настанати од триењето на воздухот.

„Се сеќавам на експлозијата, на звукот пред да почне хаосот, на звукот што го слушам секојпат кога ќе затворам очи да заспијам.

Но, имав среќа. Не се сеќавам на многу работи, главата и вратот сè уште ме болат, но жив сум.

Мислам дека за тоа е заслужен појасот, тоа што бев врзан. А можеби е судбина. Верувам во Господ и му се заблагодарувам секој ден“, рекол тој.

Според новите податоци, прозорецот се скршил на надморска височина од околу 4500m, а поради ненадејно губење на притисокот, горниот дел од телото на Србинот бил извлечен од авионот.

Во тоа време авионот летал со брзина од повеќе од 600km/h.

„Ми кажаа дека сум се онесвестил два пати, надвор и во авионот и дека лицето ми било потечено и деформирано од притисокот, од силината на ветерот поради брзината со која летал авионот. Сопругата ми го кажува тоа“, рекол Љубиша.

Продолжува на следната страница...