Ѓорѓе Давид низ солзи: „Имаше ужасна магла кај Куманово, доцна го видов сударот и удрив во колите - за жал, настрада жена“

Детали

четврток, 23 јули 2026

„Тешко е, знаеш? Тешко е кога ќе сфатиш дека по игра на случајот си одзел нечиј живот, некому си му одзел сопруга, мајка. Тоа е траума што останува за цел живот. Ослободен си од обвиненијата, зашто сообраќајката е по вина на некој друг, но треба да живееш со тоа“ - вели Ѓорѓе Давид и си ја отвори душата за сообраќајката во Македонија.

Српскиот музичар Ѓорѓе Давид, кој со години е член на жирито на „Ѕвездите на Гранд“, не крие дека македонските кандидати му се омилени.

Со голем дел од нив настапува и денес, ги кани на своите концерти, ги поддржува во кариерата, а поради работата со нив, често е во Македонија.

Ѓорѓе, неодамна ја покажа и својата почит кон Владо Јаневски, кога дојде од Белград во Скопје специјално за меморијалниот собир пред арената Борис Трајковски, за да му оддаде почит на својот пријател.

Сега, пак, тој беше гостин во подкастот на Стефан Лазаров, каде што зборуваше на бројни теми, меѓу кои и сообраќајката во Куманово, која се случи пред неколку години, а во која настрада жена.

Ѓорѓе сам го почна разговорот на оваа тема, па рече:

„Заврши со смртен исход, за жал, настада жена. Сударот се случи така што девојка по страшна магла, влегла во спротивна лента на автопат, била со мајка ѝ.

Страшна магла, -2°С, влажен коловоз, мраз, 21 јануари 2024. И удрила во друг автомобил.

Јас во тоа време бев со другар ми Зоки, кај него во скај барот во Панорамика, таму спијам секогаш.

И Зоки ми рече: ‘Остани, слава ми е’, ама реков не, зашто требаше да се сретнам со кандидатите следниот ден.

‘Преспиј, бре, што е со тебе, будала, види какво е времето, стани си сабајле, отспиј си 4-5 часа, ќе се истушираш, па полека по ден ќе одиш, види каква магла има, птици одат пешки, што е со тебе’, ама му реков дека морам да одам.

По 35 минути дојдов до местото на несреќата. Два скршени автомобили без светла, во темни бои, мрак, магла.

Нешто како да забележав и запалив долги светла и имав само 30 метри. Успеав само да ја притиснам кочницата и да го свртам воланот во десно.

Удрив во автомобилот, зад кој стоела жената, мајката на девојчето што ја предизвикало првата сообраќајка. Таа била неповредена, но излегла надвор, на автопатот, по шокот што го доживеала.

Јас наидов на таа постоечка ситуација, удрив во автомобилот, тој автомобил удри во жената, а јас слетав долу. Жената почина на место.

Процесот траеше, јас сум ослободен од сите обвиненија. Спортист сум цел живот, никаков алкохол, дрога...

Бев 11 дена тука, ми го одзедоа документите, нормално. Престојував кај Зоки цело време, а на секои 2 дена се јавував во обвинителство...

Тешко е, знаеш? Тешко е кога ќе сфатиш дека по игра на случајот си одзел нечиј живот, некому си му одзел сопруга, мајка.

Тоа е траума што останува за цел живот. Ослободен си од обвиненијата, зашто сообраќајката е по вина на некој друг, но треба да живееш со тоа“.

Погледнете го интервјуто:

А. Ј. | Црнобело