Хрватските ѕвезди во автобус без клима: „Ова е страшно - како бедници да сме!“

Детали

среда, 26 јуни 2019

Додека едни ги сожалуваа препотените славни фаци на социјалните мрежи, други им одговорија дека сега конечно знаат како им е везден на обичните граѓани.

Претседателката на Република Хрватска, Колинда Грабар-Китаровиќ, вчера организираше свечен прием по повод одбележување на Денот на државноста.

На настанот очекувано пристигнаа и многумина познати лица од тамошната јавна сцена, само што превозот до конкретната локација ги „свари“ и „доведе до лудило“ повеќе имиња од естрадата, пренесуваат хрватските портали.

Тие се возеа во автобус со расипана клима, наспроти фактот што надвор температурата надминуваше 30 целзиусови степени.

Славните патници не го криеја своето незадоволство, а младиот пејач Дино Јелушиќ дури сподели и снимка од вжештената атмосфера.

На поплаките за непријатноста што ја чувствуваат во „пеколниот“ автобус, солидарно му се придружи и глумицата Ања Шоваговиќ-Деспот, додавајќи дека изгледаат како испотени и мокри „бедници“.

„Значи ова е страшно!“, гласи заклучокот на крајот од видеото, кое беше постирано на социјалните мрежи, па избришано подоцна.

https://www.instagram.com/p/BzJD_4mhr9U/

Се запрашале ли тие како им е на нивните сограѓани, кои редовно се наоѓаат во иста ситуација, користејќи го градскиот превоз?

КЛИКНЕТЕ ТУКА ЗА ДА ГО ПОГЛЕДНЕТЕ ВИДЕОТО

М. А. | Црнобело