Северина (49) во топ форма по разводот со Игор Којиќ - ужива на одмор во Задар
- Детали
- петок, 27 август 2021
По бурниот период во кој стави и официјално крај на бракот со Игор Којиќ, хрватската пејачка деновиве одмора на море во Задар, Хрватска, со пријателите.
Хрватската пејачка Северина (49) објави видео во кое уште еднаш покажа дека е во топ форма, но и дека добро се забавува додека е на море со пријателките. Имаме можност да ја видиме познатата пејачка како се однесува како мало детенце – се качува на дрво, а оттаму скокна во море.
„И на дрво и во море“ – напиша таа до видеото.
Освен тоа, таа деновиве објавува повеќе фотографии и видеа од тоа како си поминува на одмор.
„Кога еднаш морето ќе ја фрли својата магија, тогаш засекогаш го држи човекот во мрежата на чудата“ – напиша таа до другата фотографија.
За потсетување, минатата недела, по повеќемесечни шпекулации дека се разделени и дека повеќе не се заедно Северина и Игор и официјално се разведоа. Северина пред да оди на море даде кратка изјава за медиумите, во која не штедеше на пофални зборови за поранешниот сопруг:
„Игор беше прекрасен партнер, поддршка и потпора во тешкиот период во мојот живот и му ја посакувам целата среќа. Знам дека сум јавна личност, но не сум јавна вреќа за млатење. Секоја разделба е тешка и ги молам медиумите да се воздржат од пишување глупости и непроверени трачеви“ – рече таа за Jutarnji.hr.
По оваа кратка изјава на Северина се огласи и Игор Којиќ, кој рече дека „сè е кажано“.
Инаку, за потсетување, на Северина ова ѝ беше прв официјален брак. Претходно била пет пати свршена, а од врската со нејзиниот свршеник Милан Поповиќ го има и синот Александар, за кого сè уште води судска битка поврзана околу старателството. Пред 20 месеци, на Северина ѝ беше одземено старателството над синот Александар, а има можност да го гледа повремено и со ограничувања.
Б. С. Б. | Црнобело
Би можело да ве интересира:
Препорачуваме
Најчитани неделава
