Јелена Ѓоковиќ со рака на глава испраќа моќна порака: „Децата се мета на осудување, ги наведуваат на самоубиство“

Детали

понеделник, 04 октомври 2021

Сопругата на светски познатиот тенисер Новак Ѓоковиќ, Јелена, активно се вклучува во борбата за поткревање на свеста кај родителите од опасностите за децата на интернет и од користењето на електронските уреди.

Јелена Ѓоковиќ (35) на Инстаграм упати повик до нејзините следбеници да го побараат и да го погледнат на YouTube документарниот филм за детството и социјалните мрежи, насловен Childhood 2.0.

До фотографијата што Јелена ја објави, со цел да привлече поголемо внимание, напиша:

„Социјалните мрежи и паметните телефони се мошне опасни за нашите деца. Не само за развојот на нивниот мозок, туку и за нивната безбедност.

Кога ќе го погледнете овој филм ќе имате прилика да видите како родителите и децата се осврнуваат на различни проблеми и целосно отворено говорат за своето секојдневие. Децата поминуваат минимум 7 часа на телефоните и се префрлаат од една на друга апликација.

Досада = телефон.

Социјални мрежи = напаѓање, осудување, критики, повици за самоубиство или секс.

Едно од овие семејства во филмот изгубило еден член – детето извршило самоубиство по малтретирање од своите врсници на возраст од само 10 години.

Ова се теми на кои треба зачестено да се говори и активно да се бара решение. Ве молам погледнете го филмот и ајде заедно да дискутираме“ – напиша Јелена.

Нејзината објава наиде на позитивни коментари, па така една нејзина следбеничка напиша:

„Браво Јелена, конечно некој да ги предупреди родителите јавно, дека не е полесно на детето да му се даде телефон или таблет и да се решите од тоа да се занимавате со вашите деца.

Тоа може да биде мошне опасно како за психичкото, така и за физичкото здравје на детето. Дури потоа ќе имате проблеми што не можат да ги решат ниту телефоните и таблетот, ниту пак стручните лица.

Децата се најголемото богатство што го имате, посветете им го слободното време – тие се жедни за тоа.“

Филмот Childhood 2.0 на Јамин и Киова Винанс е наменет за сите што сакаат подобро да го разберат светот во кој растат нашите деца.

Во него се обработуваат теми во кои родители од реалноста, нивните деца, како и дел од експертите во ИКТ секторот за безбедност и развој, говорат на теми како што се сајбербулинг, натрапници, наведување на самоубиство и други значајни теми.

На самиот почеток на филмот, на децата им поставуваат прашање да кажат што правеле нивните родители кога немале интернет: „Испраќале факсови“ – вели една девојка.

Станува јасно дека децата практично не можат да го замислат животот без електронските уреди, а родителите сметаат дека таквите промени оставаат огромен печат врз емотивниот развој на нивните деца.

Филмот можете да го погледнете на следниот линк:

Б. С. Б. | Црнобело