Џони Деп во посета на Србија – доби орден за заслуги, позира со Биковиќ и ги израдува дамите (фото)

Детали

среда, 20 октомври 2021

Џони Деп е главна тема во Србија. Тој имаше средба со тамошниот претседател Александар Вучиќ, а ќе добие и орден за заслуги.

фото: Instagram/Twitter

Холивудскиот актер Џони Деп (58) деновиве престојува во Србија, по повод премиерата на анимираниот серијал Puffins Impossible, а обожавателите се собраа за да му посакаат добредојде.

Холивудскиот актер беше пречекан во кабинетот на претседателот на Република Србија Александар Вучиќ, а беше одликуван и со орден на заслуги.

Џони рече дека е почестен од одлуката да биде награден со Орденот, што свечено ќе му биде доделен на 15-ти февруари следната година.

Претседателот Вучиќ на својот Инстаграм профил се пошегува на сопствена сметка, па напиша:

„Почестен сум од доаѓањето на Џони Деп во нашата земја, а особено сум му благодарен на прекрасниот подарок Johnny Puff - Silent Sparrow  што го добив.

Сепак, главниот впечаток ми е дека никогаш во последните десет години не сум видел таква грижливост и посветеност на сите дами во мојот кабинет, затоа што сите останаа да работат прекувремено, се дотераа како никогаш до сега, но јас сум сигурен дека тоа е само заради мене, а никако заради него.“

Посетата на Џони Деп во Србија беше проследена и од голем број обожаватели кои се собраа за да го поздрават.

https://www.youtube.com/watch?v=8VrsOXFDhNE

Освен Џони Деп, на свечената вечера присуствуваше и српскиот актер Милош Биковиќ, кој исто така е дел од проектот.

Погледнете повеќе фотографии во продолжение:

Б. С. Б. | Црнобело