„Стројничкиот бизнис цвета“ – Србите масовно се женат со Русинки, затоа што наводно се подобри од Србинките

Детали

недела, 26 декември 2021

За Србите очигледно е сон да се омажат за Русинка. Ова е нов тренд кај нашиот северен сосед, а агенциите кои се занимаваат со посредување при склучување бракови со жени од Русија „цветаат“ поради „бизнисот“.

Според српскиот веб-сајт Mondo, посредувањето бракови со жени од Русија е популарен бизнис во Србија и не е познато точно колку вакви бракови се имаат склучено досега.

Браковите се склучуваат преку агенции, а од сајтот пренесуваат и детали што ги добиле од сопственик на ваква агенција.

Не е наведено за која агенција станува збор, но постои српски веб-сајт кој наводно ги нуди овие услуги. На сајтот има и линк до Инстаграм профил со над 20.000 следбеници, што значи оваа услуга дефинитивно е популарна.

Кои критериуми треба да ги исполнуваат Србите, зошто сакаат токму Русинки за сопруги и колку чинат овие услуги?

Критериуми: да биде висок, под 50 години и да има работа

Од агенцијата за посредување на брачни односи меѓу Срби и Русинки потврдуваат дека имале стотина профили од жени кои изјавиле дека би сакале да земат Србин за маж.

„Меѓу Русинките кои бараат да склучат брак во Србија, најмногу се оние на возраст од 29 до 35 години. Бараат маж кој е вработен, да нема повеќе од 50 години, висок и финансиски стабилен.

Немаат проблем да се доселат и да живеат во Србија, да се откажат од работата и кариерата за да им се посветат на своите семејства, а тоа е нешто што Србите најмногу го ценат“, вели сопственикот на агенцијата.

Колку чини склопувањето на бракот?

На ова прашање, одговорот е прилично загадочен, бидејќи се истакнува дека постојат неколку понуди и на клиентите им останува да изберат што најмногу им одговара. Целиот износ на цената се плаќа по склучувањето на бракот, но, се разбира, нема гаранција.

„Ако мажот сака жената да биде на приближно иста возраст, се потпишува договор, се плаќа годишна членарина од 700 евра и по склопувањето на бракот се плаќаат уште 300 евра. Сместувањето и средбите си ги финансираат сами.

Ако клиентот сака невестата да биде шест години помлада или повеќе, тоа чини 1.500 евра и се смета за ВИП услуга. Ние сме овде да помогнеме кога станува збор за запознавање и комуникација“, велат од агенцијата.

Зошто Србите ги сакаат Русинките?

Mondo сподели и изјава од маж од Крагуевац кој е во брак со Русинка:

„Мислам дека Русинките се многу негувани, убави и женствени, а тоа најпрво ми се допадна. Покрај тоа, тие се традиционални, на првото место им се мажот и семејството – нешто што стана реткост кај жените од Србија.

Ако им обезбедиш сигурност, нема да трчаат по работа и кариера. Готват, се грижат децата, му дозволуваат на мажот да го има последниот збор, важна им е грижата за детето. За мене, сето ова се добри особини“.

Што мислите за овој тренд? Смешно, бизарно, необично или сосема нормално?

(О)Милена | Црнобело