Наташа Беквалац по хоророт со третиот сопруг: „Трпев заради ќерка ми – сега психијатарот ми вели дека не ми треба маж“

Детали

петок, 03 декември 2021

„Трпев затоа што имав ризична бременост и се посветив на тоа да родам здраво девојче. Сега животот без посилна половина е фантастичен“ – вели Наташа Беквалац која по хоророт со третиот сопруг цели три години е сама, а открива што ја советува психијатарот.

Наташа Беквалац (41) по третиот брак со Лука Лазукиќ во кој беше жртва на семејно насилство отворено говори зошто повеќе години наназад одлучно не сака да влегува во нови врски, но и што мисли за тоа нејзиниот психијатар.

Беквалац досега била трипати во брак. Од бракот со ватерполистот Данило Никодиновиќ ја доби ќерката Хана. Од 2015-та до 2017-та беше во брак со ракометарот Љубомир Јовановиќ, а истата година стапи во брак со Лука Лазукиќ со кого ја доби ќерката Катја.

Прочитајте и „Беше тешко, и нормален би полудел“ – Во какви односи е Наташа Беквалац со бившиот сопруг и што зборуваат еден за друг?

Наташа претходно тврдеше дека Лазукиќ почнал да ја малтретира уште од првиот ден кога стапиле во брак на 25-ти септември 2017-та година, а крвнички беше претепана на 14-ти април 2018-та година затоа што нагло го разбудила, кога следеше и третиот развод.

фото: novosti.rs

„Секоја жена пред да стапи во брак, покрај што е вљубена треба добро да го запознае сопствениот партнер. Јас бев занесена и вљубена. Веднаш по венчавката почна и мојот пекол. Трпев затоа што имав ризична бременост и се посветив на тоа да родам здраво девојче, проблемите ги туркав под тепих, а тоа подоцна кулминираше.

Фото: pulsonline.rs

Сè уште имам грозно чувство во стомакот кога ќе се сетам на сè. Страшно психичко и физичко малтретирање. Како и секоја жртва на насилство ја загубив самодовербата и бев отсечена од семејството и пријателите. Останав сама“ – изјави тогаш Наташа.

По разводот и понижувањето што го претрпела Наташа побарала помош од психијатар затоа што не сакала да има трајни емотивни последици.

„Со месеци спиев само по 2-3 часа, се плашев да заспијам, затоа што имав кошмари, се будев препотена“ – опишуваше тогаш таа.

Сега, цели три години по хоророт што го претрпе во третиот брак и разводот со Лука Лазукиќ, Наташа продолжила редовно да посетува психијатар, а оттогаш не се впуштила во емотивна врска.

Во изјава за српски Blic Наташа тврди дека веќе три години е сама, дека нема дечко, но поради тоа се чувствува одлично.

Таа открива што мисли нејзиниот психијатар за тоа што одлучила да остане сама толку долго време.

„Таа рече дека не треба да се грижам, дека со мене сè е во ред. Животот без посилна половина е фантастичен. Јас никогаш и не трагав за половина, се сметам себеси за комплетна и цела“ – вели таа.

Како што вели, имало период кога тоа не било така, но сега се чувствува одлично.

Наташа и претходно говореше за тоа зошто настојува да остане сама, па во една прилика изјави дека поради тоа што премногу брзо влегувала од брак во брак, сега ѝ е потребно време да биде сама и да поработи на себеси.

Фотки од Беквалац:

Б. С. Б. | Црнобело