Браво! По Цеца, и Јелена Карлеуша во специфична креација од македонски дизајнер (фото)

Детали

понеделник, 03 јануари 2022

За CRNOBELO.com Златко Јовановски открива каква била Јелена Карлеуша за соработка и кои барања ги имала од него... Браво за талентот, кој го препозна и регионот!

Летото Светлана Цеца Ражнатовиќ ја заврши својата турнеја, со концерт во Србија во креација од брендот „JZJ by Zlatko Jovanovski – Couturier“ на македонскиот дизајнер Златко Јовановски.

Сега, и Јелена Карлеуша се појави на фотосесија во креација од овој наш дизајнер.

За CRNOBELO.com Златко открива каква била Јелена Карлеуша и кои барања ги имала од него:

„Јелена Карлеуша на мое задоволство неколкупати на телевизија јавно упати комплименти за мојата работа. Потоа кога се запознавме на едно мое патување во Белград, таа ми ги даде нејзините мерки.

Се договоривме дека мора да биде во мој стил, што поголо и многу уникатно. Ииииии, еве го резултатот.

Исто така морам да кажам дека иако таа е огромна ѕвезда, со мене како соработник беше пред сѐ многу професионална, фер, и јаа сум многу среќен дека ми веруваше во целост, и моделите не трпеа ниту една корекција од мојата замисла. Напротив многу ѝ се допаднаа.

Ова го кажувам во множина дека наскоро треба да излезат фотографии со уште една моја креација на неа.

2022-ра не ни можеше да почне подобро, а јас сакам да додадам да верувате во вас и вашите сонови, дека ако сте вредни - сигурно ќе станат реалност.

Ваш JZJ - The king of sparkle.“

© CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело