Не веруваат во брак, го загубиле првото дете – Љубовната приказна на Николија и Реља
- Детали
- недела, 09 јануари 2022
Кога го запознала мислела дека е мошне вообразен. Николија Јовановиќ и Реља Поповиќ важат за еден од најскладните парови на српската естрада. Имаат две ќерки, а велат дека за љубов не им треба документ, туку страст, почит, разбирање. Факти за познатиот српски пар.
Во ноември минатата година во голем број од српските медиуми излегоа написи дека Реља Поповиќ (32) е фатен на дело како се бакнува со некоја русокоса и ја изневерува партнерката, а потоа се покажа дека всушност тоа е Николија Јовановиќ (32) која ја променила бојата на косата.
https://www.instagram.com/p/CWvpIycMIxU/?utm_source=ig_web_copy_link
Реља и Николија се заедно од 2014-тата година. Честопати во медиумите се пишувало дека тие веќе закажале датум за свадба, дека во секој миг ќе го кажат судбоносното „Да“ но тоа досега не се случило.
https://www.instagram.com/p/6rmnkaGlQn/?utm_source=ig_web_copy_link
Во продолжение проследете неколку интересни факти за нивната врска што можеби не сте ги знаеле:
Николија е ќерка на познатата српска пејачка Весна Змијанац и Влада Јовановиќ, a Реља е син на познатата српска балерина Зоја Беголи и спортскиот новинар Срѓан Поповиќ.
Пред да биде во врска со Реља, Николија додека студирала во Грција, била во врска со Атанасиос Адетокунбо, грчки кошаркар кој играл за развојната лига на НБА и кој бил 3 години помлад од неа.
Наводно по 2 години врска раскинале затоа што тој сакал да се преселат заедно во САД, а таа сакала да се врати во Србија.
Николија и Реља се запознале во 2014-тата година на снимањето на видео-спотот за песната „Алкохола Литар“, додека тој сè уште беше дел од „Елитни одреди“. Како што кажа Николија во една прилика тие вложиле многу труд и работа во изградбата на нивниот заеднички однос.
Во една прилика Николија раскажа како ја запознала мајка ѝ со нејзиниот партнер и воопшто не била пријатна ситуацијата. Николија и Весна биле заедно во студиото на преслушување на песната „Алкохола Литар“, а мајка ѝ му рекла на Реља:
„Леле, па ти си навистина прекрасно и добро момче. Воопшто не си вообразен, како што ми кажа Николија“.
https://www.instagram.com/p/BCTfdvBGlfj/?utm_source=ig_web_copy_link
На почетокот на 2015-та година во јавноста се дозна дека Николија е бремена, но имаше пишувања во весниците дека бебето не е на Реља. Кога Николија го загуби бебето во третиот месец од бременоста, нејзината мајка Весна ги обвини медиумите дека со лажните написи придонеле за трагедијата.
https://www.instagram.com/p/BgJCyQphzLT/?utm_source=ig_web_copy_link
На почетокот на 2016-та година Николија повторно остана бремена и во септември ја роди ќеркичката Реа, а во јули 2021-вата година добија уште една ќерка чие име не го соопштуваат во јавноста.
https://www.instagram.com/p/CRjkzUclsvb/?utm_source=ig_web_copy_link
Николија во една прилика изјави дека воопшто не им е лесен заедничкиот живот затоа што тие се двајца музичари што работат на естрадата.
„Навистина не знам како би функционирала нашата врска да работев јас од 9 до 5 или до 8, како што е вообичаено или тој да не е тука за викендите. Имаме и тешкотии, како на пример, кога во недела ќе се вратиме уморни од патување.
Наместо да го дочека сопругата да го распакува и да му подготви вечера, ние и двајцата сме нервозни со куферите и бегаме еден од друг“ – призна таа.
https://www.instagram.com/p/Bz23nEhItof/?utm_source=ig_web_copy_link
Во ноември во голем број српски медиуми одекна информација дека Реља бил фатен како се бакнува со русокоса девојка, а потоа се покажа дека тоа била Николија која ја променила бојата на косата.
„Мошне сум мирна и имам доверба во него. Тој ме прави мирна и спокојна. Немам потреба да бидам љубоморна“ – рече таа во една прилика и додаде дека Реља пак воопшто и нема причина да биде љубоморен затоа што знае дека дури 75 отсто од нејзините следбеници на Инстаграм се жени.
https://www.instagram.com/p/CVh5mMsskBo/?utm_source=ig_web_copy_link
Иако се заедно речиси 7 години и имаат две деца, тие велат дека не веруваат во бракот и дека тоа за нив е само парче хартија.
„Мислам дека за љубов не е потребен документ, туку договор, разбирање, почит, искреност, недвосмисленост, страст, слобода и мир“ – изјави Реља во минатото.
https://www.instagram.com/p/BpHmuzwH2hH/?utm_source=ig_web_copy_link
Прочитајте и Ги изгубил двајцата родители, на 17 години бил застрелан – Факти за Реља Поповиќ (32), ѕвездата од „Беса“ и „Елитни Одреди“
Б. С. Б. | Црнобело
Би можело да ве интересира:
Препорачуваме
Најчитани неделава
