Што знаеме за српскиот шминкер Стефан Суботиќ, кој со трансформациите ја импресионира и Ким Кардашијан?

Детали

сабота, 16 април 2022

Стефан Суботиќ е шминкер кој ја импресионира и Ким Кардашијан поради неверојатната моќ за трансформација само со помош на шминка. Кога е облечен како жена го користи името Клео, а вели дека за една трансформација му се потребни до 3 часа.

Стефан Суботиќ неодамна се трансформираше во српската претставничка за Евровизија 2022, Констракта и ги остави своите следбеници на социјалните мрежи без зборови.

Стефан по потекло е од малиот град Добој во Република Српска, БиХ, а со своите трансформации кои редовно ги објавува на Инстаграм привлече огромно внимание како кај регионалчната, така и кај светската публика.

Во продолжение проследете неколку интересни факти за Стефан Суботиќ:

Стефан Суботиќ има 28 години и потекнува од Добој, БиХ. Тој е шминкер и drag queen кој често се трансформира во некои од најпознатите светски личности.

Во гостување во емисија во 2020-та година Стефан откри дека кога настапува облечен како жена тогаш го користи името Клео, скратено од Клеопатра, што всушност е неговото алтер-его.

Стефан денес работи како шминкер, а студирал графички дизајн. Како што вели, сè започнало еден ден кога пријателката побарала од него да ја нашминка, а тој се обидел техниките за цртање да ги применува и со шминката.

Идејата за трансформации ја добил сосема случајно додека пребарувал на интернет па добил идеја и тој самиот да почне да го прави тоа.

За една трансформација Стефан троши околу 3 часа, а вели дека за него многу поголем предизвик е да се трансформира во женски лик.

„Не е баш едноставно да направите ист нос, уста и целосна шминка како Ријана, Мерлин Монро, Меган Фокс или Ејми Вајнхаус на своето лице. Предизвикот е голем“ – вели тој.

Стефан, како што може да се види од неговите видеа обожава да ја користи техниката за контурирање и тоа особено е нагласено во неговите лични трансформации.

Освен своите, Стефан редовно споделува трансформации и од дел од своите клиенти, што просто се неверојатни.

Стефан во минатото правеше трансформации од сите членови на семејството Кардашијан, а во 2017-та година откако објави колаж од неговата трансформација во Крис Џенер, постот на Твитер беше споделен од Ким Кардашијан, која напиша:

„Ова е чист талент!“

На следната страна погледнете повеќе фотографии од трансформациите на неговите клиенти...