Се појави во спот на Саша Ковачевиќ, имаше афера со српски фудбалер – Дејана Живковиќ е една од најубавите Србинки

Детали

четврток, 31 март 2022

Во моментов објавува фотографии додека е во осмиот месец од бременоста, во минатото се појави во спот на Саша Ковачевиќ, а имаше јавна афера со познат српски фудбалер. Која е атрактивната српска манекенка Дејана Живковиќ?

Српската манекенка Дејана Живковиќ (29) во моментов е во осмиот месец од бременоста и редовно објавува фотографии на социјалните мрежи на кои позира со трудничкиот стомак, а неретко ја нарекуваат една од најубавите српски трудници.

Таа откри дека заедно со нејзиниот сопруг, бизнисменот Филип Симовиќ (29), на детето планираат да му го дадат името Лав, затоа што на англиски јазик неговото име ќе значи „љубов“.

Во 2011-та година Дејана стекна поголема слава откако учествуваше во шоуто Prvi srpski top model, но по големиот број критики од жирито беше исфрлена заради иритирачкото однесување.

Истата година Дејана се појави во видео-спотот за песната E moja ti на Дарко Радовановиќ, а тешко ја поднесе смртта на пејачот кој почина во 36-тата година од животот во тешка сообраќајна несреќа.

https://www.youtube.com/watch?v=nkOEoqUbLIA

Убавата српска манекенка понатаму оствари соработка со модни агенции во Виена и Милано, а се појави и на насловната страна на италијанскиот Vogue. Во 2014-та година играше во спотот за песната Mogli smo sve на Саша Ковачевиќ, по што ѝ се укажа прилика да работи и во Њујорк.

За Дејана се поврзуваат повеќе скандали, а најпозната е аферата со српскиот голман Владимир Стојковиќ со кого беше во јавна врска додека тој беше во брак со сопругата Бојана Стојковиќ со која има три деца.

Српските медиуми ја обвинуваа дека е виновна за распадот на бракот на Стојковиќ што таа отворено го демантираше.

Во текот на изминатите години ја поврзувале со повеќе мажи од Србија, а нејзиниот брат Милош е во брак со Андреа Оџаклиевска, ќерката на познатата пејачка Маја Оџаклиевска.

Дејана во моментов е во брак со Филип Симовиќ, бизнисмен и син на Драган Симовиќ (советник на српскиот политичар Ивица Дачиќ). Таа тајно се венча со него во февруари годинава, а во моментов го очекуваат нивното прво дете.

На следната страна погледнете повеќе фотографии од Дејана.