Странец во Србија стана вирален хит со прашањето како се користи бојлер - Србите му даваат смешни упатства

Детали

вторник, 05 април 2022

„Во Србија сум, ако може некој да ми објасни како работи ова, веќе е 1 часот по полноќ и сакам да се истуширам, но водата е ладна и уредов не прави ништо...“ - се пожалил турист на Редит со фотка од бојлер, а добива низа смешни одговори од типот: „Вклучи го и чекај до 2 часот, или до 3 ако даде Бог...“

Во нашите домови бојлерот е вообичаен уред што го има во речиси сите бањи, но еден странски турист во Србија имал вистинска мака со тоа како да добие топла вода за туширање. Тој побара помош на социјалните мрежи, а одговорите на Србите ќе ве насмеат до солзи.

Еден корисник на социјалната мрежа Reddit објави пост во кој стави фотографија од бојлер, а над неа напиша:

„Ве молам некој нека ми помогне и да ми објасни како работи ова, веќе е 1 часот по полноќ и сакам да се истуширам, но водата е студена и уредов не прави ништо“.

Очекувано, ова прашање предизвика низа коментари на социјалната мрежа. Додека некои корисници го сфатија сериозно и му појаснија како се користи бојлерот (детално), други ја искористија можноста да се пошегуваат на негова сметка.

Погледнете некои од коментарите:

- „Зошто мене ми е толку смешно?“

- „Можеби затоа што човекот не знае да користи бојлер?“

- „Во Америка не се користи бојлер, нема прекинувач, нема ништо, бојлерот е поврзан на струјното коло и има свој осигурувач.

Кога еднаш ќе се програмира така останува до последниот ден, мислам и дека тие воопшто и не виделе бојлер освен ако купат нов за да го заменат стариот.

Имате бојлер на струја и бојлер на гас. За Американците ние сме во 19-иот век што се однесува до начинот на живот. За жал“ – појаснува еден корисник.

- „Ние во 19-ти век, а тој не знае да се истушира?“ – прашува друг.

- „Притисни го копчето за да го вклучиш“

- „И чекај до 2“

- „Или до 3 ако даде Бог“ – се шегуваат други корисници.

„Ова е најнов модел, сѐ уште нема упатство на англиски, не стигнале да го преведат.“

Секако, овие упатства продолжија и во бурна дискусија за тоа дали треба или не треба да се тушираш со вклучен бојлер, кога треба да се полни, колку чини струјата на скапа, а колку за време на евтина тарифа итн.

Б. С. Б. | Црнобело