По смртта на сопругот, Николина Пишек наоѓа утеха во ќерката: „Знам дека татко ти ќе се гордееше со тебе“ (фото)

Детали

понеделник, 13 јуни 2022

„Горда сум до небото, а знам дека ќе се гордееше и татко ти...“ – Николина Пишек за првпат објави нови фотографии по смртта на сопругот, а јасно е дека најголема утеха во овој тежок период од животот ѝ е нивната ќерка Уна Софија (7), на која и таа самата ѝ е најголема поддршка.

По ненадејната смрт на сопругот, Николина Пишек (46) за првпат сподели нови фотографии на својот Инстаграм профил, а поводот е првата балетска претстава на нивната ќерка Уна Софија.

Николина до фотографиите стави краток, емотивен опис, во кој го спомна нејзиниот прерано починат сопруг.

„Мојата мала љубов ја изигра својата прва балетска претстава. Горда сум со небото. Ќе се гордееше и татко ти, знам...“ – напиша таа до фотографиите.

Инаку, Николина целосно се повлече од јавноста во изминатиот месец, откако нејзиниот сопруг Видоје Ристовиќ ненадејно почина во 44-тата година од неговиот живот.  

По големиот број шпекулации што се ширеа околу смртта на познатиот српски трговец со уметнички дела и археолог, минатата недела конечно беше објавен и токсиколошкиот наод на Видоје, според кој како причина за смртта се наведува воспаление на срцевиот мускул што најверојатно било предизвикано од вирус.

Било утврдено дека во моментот кога настапила смртта имал околу 2,83 промили алкохол во крвта, а исто така консумирал и лекови за смирување, но кои не биле во токсична концентрација и не би можеле да предизвикаат смрт.

Ова се први нови фотографии што Николина ги објавува откако на почетокот на минатиот месец јавно се прости со својот сопруг, а очигледно е дека нивната заедничка ќерка Уна Софија во моментов е најголемата утеха во животот на познатата хрватска водителка.

Прочитајте и „Ах, да не бевме во трка по уште една обврска“ - Николина Пишек со емотивна објава се збогува од починатиот сопруг

Погледнете уште неколку фотографии во продолжение:

Б. С. Б. | Црнобело