НБА кошаркарот Џеди Осман и турската актерка Ебру Шахин со пријателите се веселат во Охрид - денес е свадбата

Детали

петок, 01 јули 2022

Џеди Осман денес (1-ви јули) ќе прави свадба со неговата сакана Ебру Шахин во Охрид, откако вчера со музика во живо се веселеа на Свети Наум и уживаа во убавините на Охрид со пријателите и семејството.

Турскиот НБА кошаркар Џеди Осман денес (1-ви јули) ќе прави свадба во со неговата сакана Ебру Шахин.

Ебру е позната турска актерка, па се смета дека ова ќе биде најспектакуларната прослава што ќе се случи покрај Охридското Езеро.

Парот веќе е пристигнат во Охрид, а Ебру вчера објави фотографии на кои се гледа дека шетаат и уживаат во Охрид.

И пријателите и членовите на нивните семејства, кои се со нив, објавија фотки од нашиот бисер.

Тие беа на ручек со музика во живо во Свети Наум, на шеталиштето покрај езерото, а омилени за позирање им се бротчињата и трските во Охрид.

Џеди и Ебру се во врска од летото 2020-та година, а желбата на Џеди била судбоносното „да“ да го каже во градот каде што е роден и каде ги поминал првите години од својот живот, а тоа е токму Охрид.

Ебру има 4 милиони следбеници на Инстаграм, а Џеди 1.5 милиони, па нивната свадба и фотографиите од неа што ќе ги објават ќе бидат одлична промоција на нашиот прекрасен Охрид.

Фотографии од парот во Охрид:

Фотографии од нивните пријатели и роднини во Охрид:

На следната страна дел од прекрасните фотки од секојдневието на парот...