Дуа Липа во секси издание пред публиката во Косово – Кои светски ѕвезди настапија на „Sunny Hill Festival“ во Приштина?

Детали

недела, 07 август 2022

Овој викенд, центарот на сите случувања на Балканот е во Приштина, каде од 4 до 7 август се одржува третото издание на „Sunny Hill Festival“!

Оваа година, за разлика од претходните неколку години, се најавени големи светски ѕвезди со свои настапи. Покрај Дуа Липа, која настапува пред домашна публика по пауза од неколку години, и која воедно го отвара овогодинешното издание на фестивалот, најавени се настапи и на Mahmood (двојниот претставник на Италија на Евровизија), JBalvin, Skepta, Diplo, Regard и многу други!

Со затворањето на вратите во 22 часот, на 4 Август, полека но сигурно се најавуваше огромниот спектакл кој сите долго го очекуваа. По настапот на одличната Елвана Џата, која ја размрда публиката веќе се беше подготвено на сцената да завладее Дуа Липа.

Точно во 00:15 часот со првите тактови од „Physical“ на сцената во Гермија парк (местото каде се одржува оваа година фестивалот) се појави Дуа Липа во креација на модната куќа Valentino, а публиката ја дочека со овации и во еден глас со неа ги пееше стиховите од овој светски хит.

Извонредно уиграни, Дуа Липа со нејзиниот бенд, танчери и пратечки вокали приредија шоу кое долго ќе се памти. Извонредно мотивирана со настап пред домашната публика, Дуа Липа изгледаше и звучеше неверојатно и уште еднаш покажа и докажа зошто е една од најголемите светски ѕвезди во моментов.

Во текот на настапот, Дуа Липа ги испеа нејзините најголеми хитови, и со тоа направи извонредно добра атмосфера, а публиката заедно со неа танцуваше и пееше во ритамот на хитовите како „Levitating“, „Hallucinate“, „Love Again“, „IDGAF“, „New rules“, „One kiss“, се до последната песна „Don’t start now“, каде со сино – жолти конфети во боите на знамето на Косово, Дуа Липа го заврши нејзиниот настап.

Сите оние кои го пропуштија овогодинешното издание на „Sunny Hill Festival“ во Приштина, имаат шанса кон крајот на август во Тирана да присуствуваат на следниот фестивал, каде ќе се најавени голем број изведувачи, меѓу кои и неколку светски ѕвезди.

„Sunny Hill Festival“ има сериозна намера да се наметне како еден од најголемите фестивали во регионот, промовирајќи популарна музика од светски ранг и со тоа да влезе на мапата на фестивалите кои се задолжителни да ги посетите во текот на летото!

Повеќе фотографии во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•