Хрватска инфлуенсерка: „Татко ми имаше рак на дојка – не знаев дека и мажите може да заболат од оваа болест“
- Детали
- петок, 04 ноември 2022
„Кај мажите ракот на дојка е поредок, но често поопасен затоа што тие не одат на редовни прегледи и најверојатно не се информирани дека и тие се загрозени“ – вели Карла Зелиќ, хрватската инфлуенсерка чијшто татко успеал да се избори со рак на дојка.
Хрватската инфлуенсерка Карла Зелиќ за хрватскиот магазин Story.hr ја раскажа приказната за борбата на нејзиниот татко со ракот на дојка. Како што вели, иако ретко се случува, сепак сосема е возможно и мажите да заболат од оваа болест.
Карла Зелиќ е една од најпознатите модни блогерки во Хрватска, а таа отворено говори дека спаѓа во категоријата жени што имаат мошне висок ризик од заболување од рак на дојката.
Како што вели, сѐ додека не слушнала дека татко ѝ боледува од оваа болест воопшто не знаела дека и мажите може да заболат.
„Кога ја слушнав таа вест бев во целосен шок. Не само заради дијагнозата на ракот, затоа што тоа мошне често се случува денес, туку повеќе ме изненади тоа што тој, како маж има рак на дојката.
Навистина не знаев дека и мажите може да заболат од рак на дојка до тој момент. Ни беше тешко на сите: мене, но и на моите сестри и на мајка ми.
Сите бевме мошне загрижени затоа што не знаевме какви ни се прогнозите во тој момент“ – вели Карла.
Процесот на опоравување траел околу една година, а Карла вели дека ракот на дојка во нивното семејство е наследен.
Па така, освен татко ѝ, од оваа болест заболела претходно и неговата сестра, а Карла и нејзините три сестри спаѓаат во високоризичната категорија.
Токму затоа сите три редовно одат на прегледи, а таа вели мошне е важно редовно да се прави и самопреглед.
„Татко ми рече да им порачам на сите мажи да се самопрегледуваат, затоа што ако тој не ја почувствувал грутката навреме додека се туширал, не знае каде би бил денес“ – вели таа.
https://www.instagram.com/p/Cdn2RmGM92p/?utm_source=ig_web_copy_link
Инаку, ракот на дојка иако е најзастапен кај жените, во 1 отсто случаи може да се јави и кај мажи.
Речиси сите пациенти се жалат на грутки зад брадавиците и ареола, а кај голем број мажи се случува од оваа маса да има и крвав исцедок од ареолата.
Б. С. Б. | Црнобело
Би можело да ве интересира:
Препорачуваме
Најчитани неделава
