Прва заедничка фотка на Анѓелка Прпиќ со новиот дечко – по ненадејната бременост парот планира да се венча во тајност

Детали

вторник, 17 јануари 2023

Се појави првата заедничка фотографија на Анѓелка Прпиќ со пријателот на нејзиниот сопруг со кого чека дете. Актерката е насмеана и расположена, но повторно најде начин како да го скрие стомакот и да не се забележува дали навистина е бремена.

Српската актерка Анѓелка Прпиќ (38) деновиве е топ тема во балканските медиуми откако се дозна дека е бремена од најдобриот пријател на нејзиниот сопруг Марко Жугиќ, а на социјалните мрежи е објавена нивната прва заедничка фотографија од која може да се забележи дека тој одлично се вклопува во нејзиното друштво.

Сопругата на српскиот актер Бранислав Трифуновиќ, Тихана Лазовиќ Трифуновиќ објави фотографии од прославата на роденденот на нејзиниот сопруг, а на една од нив може да се забележи дека меѓу присутните е и актерката Анѓелка Прпиќ заедно со нејзиниот нов дечко со кого чека дете.

Анѓелка е видно расположена и насмеана, а ниту на оваа фотографија не може со сигурност да се види дали таа е бремена, затоа што одлучила на половината да го врзе дуксерот и да застане така што ништо не се забележува.

Инаку, српските медиуми повикувајќи се на сопствени извори пишуваат дека актерката планира да се венча во тајност со најдобриот пријател на нејзиниот поранешен сопруг, а со оглед на тоа што не сакаат информациите за свадбата предвреме да бидат објавени во медиумите, тие дури ниту кумот не сакаат да го информираат кога ќе се случи големиот ден.

„Не постојат никакви пречки за Анѓелка повторно да стапи во брак. Таа е законски разведена и слободна жена. Кога дознала дека е бремена таа и Марко се договориле да се венчаат за брзо време и тоа да го направат во тајност затоа што преку глава им е од пишувањата во медиумите, скечевите и шегите на нивна сметка на социјалните мрежи“ – пишуваат српските медиуми.

Според изворите, на Марко многу му пречело тоа што Анѓелка сѐ уште го носи презимето на поранешниот сопруг Дарио.

Дарио, пак, во изминатиот период даде повеќе гневни изјави за медиумите во кои ја обвини поранешната сопруга дека нејзе ништо не ѝ е свето затоа што го прекршила непишаното правило и имала афера со неговиот најдобар пријател.

Прочитајте и „Ако треба ќе им бидам кум“ - поранешниот сопруг на Анѓелка Прпиќ за нејзината бременост со неговиот најдобар пријател

Б. С. Б. | Црнобело