„Нормални и природни“ - Андрија Милошевиќ со саканата ужива на одмор во Мексико, без филтри, само со смеење до солзи

Детали

понеделник, 30 јануари 2023

Минатата година во февруари станаа родители, а сега Андрија Милошевиќ и неговата партнерка Александра Томиќ уживаат на егзотичен одмор во Мексико. „Вие сте пример за вистинска и искрена љубов“ – им порачуваат нивните следбеници на Инстаграм.

Српскиот актер Андрија Милошевиќ (44) и неговата партнерка Александра Томиќ (35) деновиве се на одмор во Мексико, од каде редовно споделуваат фотографии и видеа.

Тие минатата година во февруари го добија синот Реља, а се трудат максимално да го заштитат и неговиот лик го кријат од очите на јавноста.

Александра за првпат по породувањето со синот одлучи на социјалните мрежи да сподели свои слики во бикини, на кои позира без грам шминка, а тоа не помина незабележано од нејзините обожаватели, кои веднаш искоментираа:

„Боже колку си ти само нормална и скромна жена, во време во кое сè е обратно“;

„Јас искрено од срце ви посакувам да остарите заедно до последниот здив… Затоа што вие сте нешто што претставува некое прекрасно минато, некои прекрасни луѓе и љубови што одамна исчезнаа.

Но, сепак знае да се појави по некоја личност и љубов што не дозволува вистинските љубови да се згаснат.“

Инаку Андрија неодамна даде пообемно интервју за српските медиуми каде говореше за тоа како се снаоѓа како родител и на прашањето кои обврски ги преземал како родител, тој рече:

„Ништо не преземав, ниту сметам дека постојат обврски во нешто што го правиш со љубов. Детето не е обврска.

Детето е дел од вашиот живот, а животот не е обврска.

Животот е искуство и тоа најубаво искуство што некој од нас може да го има. Немате ниту една друга прилика за она што го имате во моментот, така што уживам да растам со синот“ – вели тој.

Андрија е познат по тоа што редовно споделува вицеви на својот Инстаграм профил со коишто се обидува да ги насмее следбениците, а на прашањето дали му успева да го насмее и малиот Реља, Андрија вели:

„Секако, Сандра знае да му изигра цели претстави само додека тој појадува. Ние се навикнавме да се забавуваме еден со друг, а сега сето тоа доби смисла.“

Прочитајте и Не веруваат во брак, 10 години е помлада: Девојката на шармантниот актер Андрија Милошевиќ (фото)

Погледнете уште неколку фотографии од одморот на Андрија и Александра во Мексико:

Б. С. Б. | Црнобело