Требало да биде професор по математика, а сега е најпосакуван турски актер – Кој е Акин Акинозу?

Детали

недела, 05 февруари 2023

Дипломирал математика на универзитетот Беркли во САД, 8 години е во врска со свршеницата Сандра, а вели дека неговиот добар изглед се должи на вегетаријанската исхрана и боречките вештини – што знаеме за Акин Акинозу, најпосакуваниот турски актер во моментов?

Акин Акинозу важи за еден од најпознатите и најпосакуваните турски актери во моментов. 

Роден е на 22-ри септември 1990-та година во Анкара. Неговата мајка е познатата турска актерка Узлем Акинозу, а дедо му по таткова страна е еден од најпознатите презентери на турската телевизија ТРТ.

Пред да ја започне актерската кариера Акинозу живеел 6 години во САД, каде дипломирал математика на Универзитетот Беркли, но една понуда за улога во целост ќе му го промени животот и плановите за иднина.

Со улогата во турската серија Hercai Акин ќе ја започне својата блескава кариера, а на македонската публика ќе и стане најпознат по улогата во серијата „Игра на судбината“.

Пред неколку години тој започнал со веганска исхрана како предизвик, но откако сфатил колку подобро се чувствува одлучил да се задржи на вегетаријанска исхрана.

Неговите извајани стомачни мускули се плод на напорна работа и многу часови поминати во теретана. Тој во минатото се занимавал со гимнастика, а денес вежба боречки вештини и други спортови, како тенис, кошарка, фудбал и пливање.

Акин ги краде воздишките како на домашната турска публика, така и кај девојките во Јужна Америка, каде неговите серии се мошне популарни и важи за најпосакуваниот турски актер, но тој долго време е верен само на својата свршеница Сандра Пестемалцијан, со која се запознал во САД.

Сандра е 5 години помлада од него и по потекло е од Истанбул. Таа во 2011-та дипломирала на техничкиот универзитет во Истанбул, а се преселила во Њујорк за да студира економија.

Се верува дека нивната романса започнала уште во САД, а Сандра денес работи во секторот маркетинг во Турција.

Погледнете повеќе фотографии од убавиот актер на следната страна...