„Бев единствен Македонец, ги освоив сите златни трофеи“ - Ивица Јанев апсолутен шампион на интернационален бодибилдинг куп

Детали

недела, 02 април 2023

„Diamond cup е сериозен натпревар од интернационален карактер, а јас бев прогласен за апсолутен шампион и ги освоив сите златни трофеи што можеа да се освојат“ – вели во изјава за CRNOBELO.com Ивица Јанев, фитнес тренер, бодибилдер и нутриционист.

Фитнес тренерот и бодибилдер Ивица Јанев во Србија, Чачак учествуваше на интернационалниот бодибилдинг натпревар Diamond cup, каде беше прогласен за апсолутен шампион на натпреварот.

Тој е прогласен за апсолутен шампион во classic physique, освои златен трофеј до 90kg во бодибилдинг, а освои и про-карта.

Ивица во изјава за CRNOBELO.com вели дека про картата е достигнување за коешто се бори секој што се занимава со фитнес и бодибилдинг. Во Македонија заедно со Ивица се вкупно 3 лица што го добиле ова високо достигнување.

„Diamond cup е сериозен натпревар од интернационален карактер, а јас бев прогласен за апсолутен шампион и ги освоив сите златни трофеи што можеа да се освојат“ - вели тој.

Како што вели, на натпреварот учествувале околу 200 натпреварувачи од Србија, Бугарија, БиХ, Унгарија, а Ивица бил единствениот Македонец на натпреварот.

Тој споделува повеќе фотографии од натпреварот, а се гледа дека по освоените трофеи први што му честитале биле сопругата и синчето.

Прочитајте и Нутриционистот и фитнес тренер Ивица Јанев: „Најлоша е комбинацијата од мезе и алкохол, диетите со нејадење го нарушуваат здравјето“

Погледнете повеќе фотографии во продолжение:

Б. С. Б. | Црнобело