Марија од Скопје е уникатна и кул матурантка со фустан со впечатлив крој и бисери

Детали

понеделник, 22 мај 2023

„Фустанот што го носев на прославата за матура е инспириран од модел од ревијата на Mugler. Белите бисери кои слободно паѓаа низ фустанот и црните ракавици беа аксесоари, кои му дадоа уникатен печат на целиот изглед“, вели матурантката Марија Јанчевска (18) од Скопје за CRNOBELO.com, која откри дека се инспирирала од модел кој Ирина Шајк го носела на ревијата на „Mugler“.

Марија Јанчевска (18) од Скопје е матурантка во средното училиште Јахја Кемал, која покрај училиштето се занимава со глума и пишување.

Нејзините највпечатливи филмски ангажмани досега се улогата на Елена во првиот македонски филм на Нетфликс „Сестри” и Сандра од тинејџерската серија „Teen camp”.

Таа за својата матурска прослава се одлучи за краток црн фустан со впечатливи детали, инспириран од нејзиниот омилен моден бренд.

За CRNOBELO.com Марија споделува детали за стајлингот:

„Фустанот што го носев на прославата за матура е инспириран од модел од ревијата на Mugler. Колекциите на Mugler секогаш будат восхит и предизвик за мене и мојата фантазија.

Веќе подолго време ја следам и Ирина Шајк и често се инспирирам од нејзините модни комбинации, како и оние кои ги носи на ревиите.

Таа на ревијата на Mugler изгледаше многу моќно, токму во ваков краток црн фустан со интересен детаљ од страната, кој севкупно создаде еден прекрасен изглед и целосно се вклопуваше во мојата замисла за прославата.

Секако, изгледот не е комплетен и не може да го постигне вистинскиот потенцијал без да се направи вистинскиот избор и во однос на шминка, фризура, боја на нокти, накит.

Мојата соработка со едно студио за убавина придонесе лесно да се согласиме на најдобрата комбинација на минимална сјајна шминка со акцент на црвениот кармин и едноставна фризура, кои му оставија простор на фустанот да заблеска.

Продолжува на следната страница...