„Запеј денес со мене!“ - Синот на Аки Рахимовски со емотивна објава за неговиот роденден

Детали

вторник, 06 јуни 2023

„Одмори се од оние што те измориле и запеј со мене денес“ - синот на Аки Рахимовски, Кристијан, со емотивна објава го одбележа роденденот на неговиот татко, кој почина во јануари минатата година.

Вчера (05.06) беше роденденот на фронтменот на „Парни ваљак“, Аки Рахимовски, кој почина во јануари минатата година, на возраст од 66 години.

Неговиот син, Кристијан Рахимовски, на Инстаграм го одбележа роденденот на неговиот татко со емотивна објава.

„Тато среќен ти роденден. Одмори се од оние што те измориле и запеј со мене денес. Јас ја сакам онаа (песна) што ти ја сакаш...

Ми недостигаш... Твоето дете кретен“ – напиша до фотографијата на Аки, неговиот син Кристијан.

Александар Аки Рахимовски имаше мошне плодна музичка кариера како фронтмен на „Парни ваљак“, а редовно се враќаше во Скопје и Македонија и гордо споделуваше дека израснал токму тука.

Синот Кристијан тој го доби од бракот со првата сопруга, од втората сопруга ја доби ќерката Едина, а 2 години пред својата смрт ја доби ќерката Антонија со 27 години помладата партнерка.

Кристијан претходно рече дека тие двајца имале мошне турбулентен однос, но дека сепак се почитувале.

Б. С. Б. | Црнобело