Тамара Тодевска има летен хит - Со нов имиџ, пее на српски јазик и ја промовира песната „Торнадо“

Детали

петок, 21 јули 2023

По „Нијагара“, Тамара Тодевска испеа уште една моќна песна на српски јазик - „Торнадо“ и најави нов летен хит.

Пејачката Тамара Тодевска денес (21.07) точно на пладне ја промовираше својата нова песна „Торнадо“, испеана на српски јазик.

Таа песната ја најави уште на 10-ти јули, кога објави тизер на својот Инстаграм.

Автор на музиката е на Тамара Тодевска заедно со Лазар Цветкоски, а текстот го напиша популарната српска пејачка Зои Кида.

„'Торнадо' е нашата нова музичка приказна, а јас сум пресреќна што создадовме песна и спот кои се исполнети со брз ритам и убава енергија. Тоа најмногу ни треба во периодов во кој живееме. Задоволна сум од целосниот производ, од песната и од спотот и искрено верувам дека истата ќе ѝ се допадне на мојата публика, како во Македонија, така и низ земјите во регионот“, вели Тамара.

Песната „Торнадо“ доаѓа само 4 месеци откако таа ја објави „Нијагара“ што ја испеа на српски јазик и за која имаше многу позитивни реакции во јавноста.

Спотот за песната се снимаше во текот на јуни 2023 на неколку локации низ Скопје. Кореографијата ја направи Дејан Битровски, а во видеото се појавува и Хана, ќерката на пејачката.

Инаку, Тамара периодов често настапува во Скопје и низ Македонија, а нејзините забави се едни од најпосетените и секогаш со супер атмосфера.

Таа неодамна направи пауза од настапите, па со својата сестра Тијана и нивните деца, беше на летување во Грција.

Погледнете го видеото:

Прочитајте и Тамара во минималистички бикини, Тијана позира во плиткото: Сестрите на одмор во Грција со децата (фото)

А. Ј. | Црнобело