Торта вовче и многу балони за Кирил - Сара Мејс и Димитар Атанасовски му го прославија првиот роденден на синот (фото)

Детали

понеделник, 31 јули 2023

„Една најубава година неизмерна среќа со најпозитивното детенце што се смее и кога ќе се удри, што секојдневно ме изненадува и си ги руши сопствените рекорди за колку многу прекрасен може да биде некој. Мајкин, остани каков што си“ - Сара Мејс се разнежни на роденденот на синот Кирил. 

Пејачката и харфистка Сара Мејс и водителот Димитар Атанасовски направија одлична забава за 1-иот роденден на синот Кирил, кој се роди на 29.07.2022 година.

Со многу гости, музика, балони и торта на два ката со вовче, тие прославија една година од раѓањето на Кирил.

Сара објави неколку фотки и видеа од забавата и со многу емоции му го честиташе роденденот.

„Една годинка. Една најубава година неизмерна среќа со дечково, најпозитивното детенце што се смее и кога ќе се удри. Детенцето што секојдневно ме изненадува и си ги руши сопствените рекорди за колку многу прекрасен може да биде некој.

Мајкин, само остани таков каков што си“, напиша Сара покрај фотографиите што ги објави на Инстаграм.

Додека траеше журката, и Сара и Димитар споделуваа дел од атмосферата и покажаа колку се забавуваат.

Илина, постарата ќерка на познатиот пар, пак, му помогна на своето братче да ја дувне свеќичката на тортата.

Пријателите на Сара и преку коментари му го честитаа роденденот на Кирил. Тие велат и дека децата на пејачката и водителот се поделени по ликот.

„Синот е на мама, ама Илина е на тато Димитар“, стои во коментарите.

А. Ј. | Црнобело