Македонка што живее во Нов Зеланд: „Го изгубив телефонот во Скопје и ќе кажам дека најчесните луѓе живеат тука“

Детали

четврток, 24 август 2023

„Браво мои Македонци, горда сум, иако живеам надвор сепак сум дел од вас убави луѓе!“, вели Весна Апостолова, која од Нов Зеланд дошла во Македонија и се соочила со немил настан, кој среќно завршил.

Весна Апостолова е Македонка која години наназад живее во Нов Зеланд, но летово е дојдена во Македонија на посета.

Среде сите убавини кои ја дочекале тука, била ѝ една мала стресна ситуација, која за среќа одлично се завршила и ја потсетила колку добри луѓе се всушност Македонците.

Нејзината Фејсбук објава за настанот, за која даде дозвола да ја пренесеме на CRNOBELO.com, говори за тоа како го заборавила телефонот на клупа кај матично во Скопје и колку бил грижлив кон неа чесниот пронаоѓач.

Објавата на Весна ни ја враќа вербата во Македонците, во време кога како само да знаеме да фрламе отровни стрелички еден кон друг и немаме збор за пофалба.

Нејзината објава гласи:

„Најчесните луѓе сепак живеат во Македонија. Го заборавив телефонот на клупа пред матично, а чесниот пронаоѓач грижливо го чуваше додека лично не ми го предаде.

Не сакаше да прифати ниту пари што му понудив да се почести.

Напротив, инсистираше да седнам во кафулето кадешто го најдов, да ме почести пијалак, ме виде под каков стрес бев.

Браво мои Македонци, горда сум, иако живеам надвор сепак сум дел од вас убави луѓе!“

Фејсбук скриншот, направен со дозвола за CRNOBELO.com

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело