Ирина Камилоска се искачи на Водно, 2 месеци по породувањето, со бебето во кенгур и со сопругот Павле (фото)

Детали

петок, 25 август 2023

Ирина Камилоска, која се породи пред два месеца (18 јуни) се качи на Водно со синот Јосиф и нејзиниот сопруг, музичарот Павле Камилоски.

Ирина Камилоска, планинарката која бремена го искачуваше Водно два дена пред породувањето, денес (25.08) се качи на планината со синот Јосиф, кого го носеше во кенгур.

Таа објави видеа на Инстаграм дека со нив е и нејзиниот сопруг Павле Камилоски, кој за рака држи девојче. Тие заостануваат зад Ирина и Јосиф, па Камилоска се пошегува на нивна сметка.

„Што мислите, ќе успееме ли да се снајдеме со овие двајца?“, прашува таа, додека синот мирно ѝ спие во прегратка.

фото: Инстаграм

Ирина неодамна отворено зборуваше за мајчинството и бременоста, кога одговараше на прашања од своите следбеници на Инстаграм, па на прашањето дали ќе оди со синот на планинарење, таа кажа дека планира да купи кенгур во кој ќе го носи, но дека прво ќе почнат со искачување на Водно.

Тогаш откри и дека била активна трудница до крајот на бременоста, па дека буквално до два дена пред породувањето пешачела и се качувала на Водно.

фото: Инстаграм

Таа рече и дека е убедена дека физичката активност ѝ помогнала да има лесно породување.

Тогаш ги пофали и сите од Клиниката за гинекологија во Државна болница ѝ рече дека е презадоволна од третманот што го добила таму, а била „без врски“.

Пред неколку дена Ирина за првпат се качи на Водно сама со синот ѝ рече дека иако не било лесно, мисијата била успешна, а сега повторно го направи тоа, па изгледа ќе ѝ стане редовна практика.

Прочитајте и Ирина Камилоска за мајчинството: „Се породив лесно во Државна болница, го искачив Водно 2 дена претходно, не ми се појавија стрии“

А. Ј. | Црнобело