Во екот на популарноста се повлече од музичката сцена - Каде е денес и што прави Ева Нединковска?

Детали

сабота, 16 септември 2023

Повеќе од 12 години не е дел од македонската музичка сцена, но публиката и понатаму ја памети. Естрадниот живот е зад неа, а денес успешно плови во бизнис водите и е целосно посветена на својата ќерка.

Атрактивната и убава русокоса која за кратко време со својот талент за музика ја освои македонската публиката кон крајот на 90-те, денес е успешна жена-претприемач, која се труди да биде поттик и инспирација за лицата со кои соработува.

Ева Нединковска професионално започна да се занимава со музика на 18 години, а од останатите пејачки во тоа време се издвојуваше по тоа што секој нејзин настап беше осмислен до перфекција.

Освен што одлично пее, таа е и текстописец и многу од нејзините песни самата си ги има напишано.

Скоро на секој фестивал на кој настапуваше освојуваше награда за најдобра сценска изведба.

Иако релативно млада, Ева беше максимално професионална и имаше предиспозиции да стекне популарност и надвор од нашите граници.

Генерацијата од 90-те добро ги памети нејзините песни „Дали денот ќе е рај“, „Слатка треска, „Од утре или задутре“, Таан и мед“, „Енигма“.

„Енигма“ е нејзиниот најголем хит кој долго време беше на прво место на сите топ листи во земјава.

Работеше посветено и со многу љубов и се чинеше дека најдоброто допрва доаѓа, но нејзината одлука беше поинаква.

Реши целосно да се повлече од естрадата, прекина да дава интервјуа, да закажува настапи и гостувања и започна ново поглавје.

Од 2011 година е сопственик на Центарот за обука „Ева“. 

Денес е успешна деловна жена, а приватно посветена и грижлива мајка.

Од бракот со веб-дизајнерот Јурак Петров ја има ќеркичката Ена, која во ноември ќе наполни 7 години и веќе е второ одделение.

Ева е активна и на социјалните мрежи каде често споделува и моменти од нејзиното секојдневие и семејството.

Естрадниот живот веќе е минато за Ева, која среќата ја наоѓа во времето поминато со Ена, со најблиските и во природата.

Повеќе фотографии од Ева погледнете на следната страница...