Како изгледа денес и што прави Кристијан Секуловски, таткото од „Умни глави“?

Детали

сабота, 30 септември 2023

Таткото од серијата „Умни глави“, Кристијан Секуловски денес е успешен млад човек, посветен сопруг и грижлив татко.

Генерацијата што растеше во втората половина од 90-те години на минатиот век, со сигурност се сеќава дека со нетрпение, секој работен ден се чекаше да дојде 19 часот и да се гледа серијата за деца „Умни глави“.

Немаше поголема радост за децата од тоа да се седне пред ТВ екранот и да се гледа некоја од омилените емисии, во која малите „Умни глави“ преку настано од секојдневието раскажуваа мудри приказни.

„Дајте музика“, „Бушава азбука“, „Умни глави“, „Големи и мали“, Македонски народни приказни будат носталгија по едно време кога сѐ беше многу поедноставно, децата постојано си играа надвор, а програмата на телевизија наместо со турски серии беше пополнета со многу емисии за деца.

Во 1999 година се емитуваше првата епизода на „Умни глави“, насловена „Шекил“, а во неа главна тема беше маката на малиот Даре кој сакаше да стане славен кошаркар како Шекил О`Нил, но немаше каде да тренира.

Марија Ангеловска, Филип Кипровски и Кристијан Секуловски глумеа мајка, татко и дете во оваа серија.

Членовите од омиленото семејтво на тогашните деца денес се веќе возрасни личности успешни во своите професии.

Само Филип кој ја имаше улогата на детето Даре продолжи да се занимава со глума и вработен е во Народниот театар во Охрид.

Марија работи во банка, додека Кристијан кој го глумеше таткото во серијата заврши Економски факултет и денес работи во јавно претпријатие.

Според она што може да се види од неговите фотографии објавени на Фејсбук, Кристијан физички се нема многу променето и оние кои ја имаат гледано серијата со сигурност го препознаваат и денес.

Приватно е посветен сопруг и грижлив татко.

Во 2021 година стапил во брак со сопругата Рената, а во 2022 година го добиле синот Борјан.

Максимално ужива во семејниот живот и секој слободен момент го користи да го помине со своите сакани.

Повеќе фотографии од Кристијан погледнете на следната страница