Го доеше, ја пречекаа со аплауз на целта: Наша инфлуенсерка учествуваше со 3-месечниот син на Скопскиот маратон

Детали

понеделник, 02 октомври 2023

„Цел живот заедно да трчаме маратони, свету мајкин“, напиша модната инфлуенсерка Даниела Ѓуровска, која учествуваше на Скопскиот маратон 2023 со својот 3-месечен син и го туркаше во количка до целта.

Модната инфлуенсерка Даниела Ѓуровска, која на 30 јуни стана мајка, учествуваше на Скопскиот маратон 2023 заедно со својот 3-месечен син Давуд. Таа ја туркаше количката со бебето до целта, каде што имаше и други мајки кои беа со своите мали деца и бебиња.

Даниела во еден момент седна на булеварот за да го надои синот, додека покрај неа трчаа маратонците.

Кога пристигна со количката на целта, ја дочека со аплаузи и конфети, за инспиративниот потег да учествува на маратонот заедно со својот син.

„Цел живот заедно да трчаме маратони. Мајкин свет“, напиша таа на фотографиите што ги сподели на Инстаграм.

Пријателите, пак, ѝ напишаа дека им е инспирација.

„Се гордеам со тебе“, стои во коментарите.

Даниела, која често покажува како изгледа нејзиното секојдневие откако стана мајка, пред одреден период објави фотки на кои го дои својот син и зборуваше искрено за мајчинството и колку тоа ја сменило.

„Неверојатно е како по пораѓајот целосно ми се промени перцепцијата за женското тело, за она што можеме како жени да издржиме и создадеме.

Сфатив како доењето е најчистото нешто што една жена може да го доживее, но од друга страна недоволно се разговара на оваа тема и целото искуство може да биде стресно“, кажа тогаш таа.

А. Ј. | Црнобело