Ирена од Битола која се омажи со најпосакуваниот ерген во Австралија објави реални фотки од бременоста - утринска мачнина, прегледи
- Детали
- петок, 06 октомври 2023
„Ова е многу реален и искрен поглед на првата половина од нашата бременост, без филтри. Од моментот кога дознавме, преку утринските мачнини кои станаа мачнини кои траат по цел ден и додека гледаме како нашето мало девојче расте од кикиритка во бебе“ - вели Македонката која победи во австралиското реално шоу „The Bachelor 2020“ и е бремена со првото дете.
Ирена Србиновска (33), Македонка која потекнува од Битола, живее во Австралија. Таму победи во шоуто „The Bachelor 2020“ и го освои срцето на најпосакуваниот ерген Локи Гилберт (33). Парот по 3 години врска се венча, а неодамна открија и дека го чекаат своето прво бебе.
На половина од бременоста, Ирена објави серија фотографии на Инстаграм со кои ги покажа убавите, но и реалните и не толку забавни моменти низ кои поминуваат жените кога ќе останат бремени.
Таа сподели фотка од најсреќниот момент, кога добила позитивен резултат на тестот за бременост, но и колку е исцрпена од утринската мачнина.
Покажа и како изгледаат лекарските прегледи, третманите со акупунктура на кои одела, но и како напредува бебето за кое вели дека било колку кикиритка.
„Многу реален и искрен поглед на првата половина од нашата бременост, без филтри.
Од моментот кога дознавме, преку утринските мачнини кои станаа мачнини кои траат по цел ден и додека гледаме како нашето мало девојче расте од кикиритка во бебе.
Мојот најголем сон е да станам мајка, и колку и да е голем предизвикот, благодарна сум за сè, и веќе сум заљубена во мојата ќерка.
Ова е нашето мало чудо, и виножитото за кое се молев“, напиша Ирена на Инстаграм.
Ирена, која поо професија е медицинска сестра, со својот сопруг Локи живее во Перт.
Тие во март 2023 направија бајковита свадба во Мелбурн, а потоа отпатува на меден месец на Фиџи.
Ирена не крие дека откако го сретнала Локи, го живее својот сон.
Таа вели дека пример за добар брак ѝ е бракот на нејзините родители кој трае веќе 37 години.
Прочитајте и Македонката, која освои ерген во австралиско реално шоу, направи бајковита свадба - се играло и македонско оро
А. Ј. | Црнобело
Би можело да ве интересира:
Препорачуваме
Најчитани неделава
