Ламбе и Врчак по многу години повторно заедно, пееја на свадба на заеднички пријател во Охрид (видео)

Детали

вторник, 10 октомври 2023

„Моите молитви се остварија. Фала ти Боже вчера тоа ми се потврди. Верувам дека човекот се враќа во полн и поголем сјај. И да испишеме уште едно време и ера на македонската сцена и музика“, напиша Ламбе Алабаковски и објави видео на кое пее со Врчак. 

Ламбе Алабаковски и Раде Врчаковски Врчак по многу години повторно настапија заедно и ја испеаја својата песна „Спасете ме другари“. Песната ја снимија во 2006 година, во времето кога и двајцата беа на врвот на популарноста.

Брзо потоа Врчак се повлече од сцената, а Ламбе се пресели во Америка и долго време не пееше.

Сега, тие беа гости на свадба кај нивен заеднички пријател и соработник во Охрид, па за негов мерак, но и на задоволство на сите гости на свадбата, ги зедоа микрофоните и почнаа да пеат.

„Моите молитви се остварија. Фала ти Боже вчера тоа ми се потврди. Верувам дека човекот се враќа во полн и поголем сјај. И да испишеме уште едно време и ера на македонската сцена и музика“, напиша Ламбе на видеото што го објави на својот профил на Инстаграм.

Ова е едно од ретките појавувања на Врчак во јавноста, но и еден од неговите ретки настапи во последнава деценија.

Тој во изминатиот период ја објави песната „Да ме лижнеш“, по што фановите се израдуваа дека повторно ќе почне да создава музика и да пее.

Ламбе, пак, изминатиов период сними неколку песни и одржува концерти низ градовите во земјава со музичкиот караван „Македонијо во срце те носиме“.

Погледнете го видеото:

 А. Ј. | Црнобело