Миа Костова за патувањето во Дубаи: „5 дена може да се поминат со 500 долари, намерно остававме работи и никој не ги краде“

„Згодна, па и плавуша, можам да замислам како те ѕиркале шеициве“, стои во коментарите.

„Машала и плавуша, ќе ме украдеа“, се пошегува таа.

Миа одговори и дека нејзиниот син Андрија бил воодушевен од сè што видел, до толку што ѝ кажал дека ова му е „патување на животот“.

„Мислам дека уште не е свесен што виде и нема да може да одбере. Полуде од среќа на сафарито, уживаше во акварпаркот, аквариумот, на Бурџ Халифа. Уште е збунет“, вели таа.

А има ли нешто што не ти се допадна?

„Ништо, освен влажната клима поради која не знам како се живее во јули, на пример. И преклиматизираните молови, такси, тоалети од кои не знаете кај ви е главата кога ќе излезете“.

Таа призна и дека не ја фасцинирало морето. Иако се бањале, водата била претопла, па не успеале да се изладат на горештините.

Миа ја посети и познатата Бела џамија во Абу Даби (Sheikh Zayed Grand Mosque), но призна дека тоа е единственото нешто што го видела од Абу Даби, па затоа не може да направи споредба од двата града.

Сепак, не го криеше своето воодушевување од грандиозноста на градбата, па кажа и дека кога биле таму, водичите на патувањето им откриле дека за дел од џамијата е користен прилепски мермер.

Според правилата во џамијата, жените мора да бидат покриени од глава до петици за да влезат таму.

Па, така, Миа откри дека од Скопје си понела долга наметка, а дека купила шамија која ќе ѝ ги покрие косата, вратот и градите.

„Не поминува ни проѕирна тенка марама или ако ви се ѕиркаат нозете преку проѕирната наметка. Пред влезот, ве проверува вработена, и ако облеката не е соодветна, може да не ве пушти да влезете.

Обезбедувањето може да побара да избришете фотка или видео – мора да се фотографирате мирно и без пози кои не доликуваат на свето место, на пример два кренати прста, ‘изводење’ или непристојност.

И фотографирате само на точки обележани дека смее да се фотка“.

За крај, Миа заклучува:

„Едно знам сигурно – нема ништо слично на Дубаи. Не наликува на ниеден друг град. Но, не може со душата на Италија или Швајцарија.

На моменти се чувствува недостаток на некоја планина и малку природа во однос на облакодерите и температурата од 60 степени.

Па, дури и по некој дожд, кој во Дубаи не постои. Во секој случај, неповторливо искуство“.

Повеќе фотографии и видеа на следната страница...