Сара е наша кул невеста со бисерни чевлички и тексас јакна со натпис, во склад со младоженецот (фото)

Детали

петок, 27 октомври 2023

„Буквално два дена пред нашата венчавка отидовме да бараме што да носиме - сакавме нешто нетрадиционално и уникатно. Јакните ни беа дизајнирани од сликарот Божиков и неговата сопруга“, вели Сара Цветкоска (29), сега Ѓуроски, од Прилеп за CRNOBELO.com, која стапи во брак со македонскиот кошаркарски репрезентативец Стојан Ѓуроски.

Сара Цветкоска (29), сега Ѓуроски, од Прилеп е дипломиран филолог (чешки јазик на Филозофскиот факултет при Карлов Универзитет во Прага, Чешка) и графички и веб дизајнер. 

Моментално работи во ИТ компанијата Сивус, како и приватно фриленс графички и веб дизајн.

Родена е во Прилеп, меѓутоа од својата 18-та година живеела во Прага - седум години за време на студиите, сѐ до 2019-та година. Од 2019-та година е во Скопје.

Претходната година со нејзиниот партнер живееле во Шпанија, бидејќи тој играл за шпански кошаркарски клуб.

Стојан Ѓуроски (31) од Гостивар има дипломирано бизнис администрација (Louisiana Tech University во САД), но работи како професионален кошаркар од своја 17-та година, а е и репрезентативец за Македонија. Моментално игра за КК Работнички Скопје.

Парот е заедно од 2017 година. Нивниот прв состанок бил на 23-ти септември. Стојан ја запросил Сара на 23-ти јуни оваа година, а се регистрираа на 23-ти октомври.

Сара вели дека 23 е број којшто е поврзан со многу значајни настани во нејзиниот живот, што е и очигледно според горенаведеното.

На овој значаен настан Сара беше кул невеста, со стајлинг во тон со својот сакан.

Таа за CRNOBELO.com открива детали за нивните аутфити:

„Идејата за стајлинзите, а и сѐ во врска со нашата венчавка беше најспонтано, ништо не беше однапред планирано.

Буквално два дена пред нашата венчавка отидовме да бараме што да носиме. Знаевме само дека сакаме нешто нетрадиционално и уникатно. 

Идејата за јакните морам да си ја препишам себеси, иако Стојан предложи јакните да бидат дизајнирани од сликарот Божиков и неговата сопруга - и тоа беше баш во последен миг.

Венчавката ја правевме само во нашиот најблизок круг.

Фустанот е од Нана, а чевлите, исто така, ги купив ден пред венчавката.

Продолжува на следната страница...