Македонските Дејвид и Викторија Бекам се прошетаа на скопскиот аеродром (фото)

Детали

вторник, 31 октомври 2023

Македонскиот фотограф Стефан Соколовски и моделот Луна Декиќ Стефановска го пресликаа стилот на Дејвид и Викторија Бекам, па се прошетаа како славниот фудбалер и поранешната пејачка на скопскиот аеродром.

Фотографот Стефан Соколов, на Инстаграм познат како Badstef, објави серија фотографии направени на аеродромот во Скопје, каде што со заедно со моделот Луна Декиќ Стефановска пресликаа еден од стајлинзите на Дејвид и Викторија Бекам на аеродром.

„Дејвид и Викторија Бекам штотуку слетаа“, напиша тој на фотките.

Стефан е облечен во црна комбинација со бели влечки, исто како славниот фудбалер, а Луна носи кафеав мини фустан со патент кај градите, исто како дизајнерката и поранешна Спајс-девојка.

Тие имаат и куфери од брендот Louis Vuitton, кои многу наликуваат на куферите кои Дејвид ги турка на количка на аеродромот.

Стефан на Инстаграм ги објави и оригиналните фотки за споредба. А на неговите и на следбениците на Луна им се допадна фотосесијата, па во коментари им оставија пораки со емотикони срциња, оган и ѕвезди.

Меѓу оние кои коментираа беа и дизајнерката Ивана Кнез и пејачката Мартија Станојковиќ.

За потсетување, Стефан кој важи за еден од нашите најдобри фотографи, пред извесно време беше дел од Модната недела во Милано, каде што ја фотографираше познатата италијанска манекенка Маделина Ганеа, која е една од најубавите жени во светот.

Прочитајте и Македонски фотограф направи фотосесија на една од најубавите жени во светот, Мадaлина Генеа: „Се запрепастив кога дознав која е“

A. J. | Црнобело