Џокси емотивен на роденденот на починатата мајка: „Не бев свесен за твојата големина додека не те изгубив“

Детали

среда, 15 ноември 2023

„Имав многу тивка, нежна, чувствителна мајка, но жена со големо срце, насмевка бесконечна, прегратка нежна да се стопиш во неа. Не ни бев свесен за нејзината големина“, напиша Џина Папас Џокси и го одбележа роденденот на својата почината мајка.

Ѓорѓе Васиќ, кого публиката го знае како Џина Папас Џокси, го одбележа роденденот на својата мајка Гина Попова, која почина во далечната 1986 година.

Тој објави нејзина фотографија на Фејсбук и со своите пријатели го сподели советот што таа му го дала одамна, а до кој познатиот музичар и хуморист се придржува и денес.

Џокси со измешани чувства на среќа и тага ја раскажа приказната за својата мајка, која ја опишува како жена со големо срце и нежна прегратка:

„Имав многу тивка, нежна, чувствителна мајка, но жена со големо срце, насмевка бесконечна, прегратка нежна да се стопиш во неа и секогаш подготвена да ти укаже каде си згрешил и како треба да постапиш.

Сакана и почитувана меѓу своите пријатели, соседи и роднини. Не ни бев свесен за нејзината големина и како што велат ‘за големината на блискиот дознаваш дури тогаш кога ќе го загубиш’.

Еднаш ми вели: ‘Синко, секогаш кога ќе те погоди некоја тага, не паѓај, со крената глава да си, секој проблем има решение и не гледај на луѓето од височина.

Многумина се поприземни отколку што некој има високо мислење за себе. Помагај секому кому можеш, а кај што не можеш, гледај да не одмогнеш. Пред сè, биди човек.

Ако те повреди некој, сврти се и не се расправај, ги има секакви, може само да ти наштети, а она што ќе ветиш, да го исполниш, затоа што така ќе ја добиеш довербата кај луѓето.

Однесувај се кон другите онака како што сакаш да се однесуваат кон тебе. Имај свое јас, почитувај ги своите зборови, но и размислувањата на другите, слушај внимателно за да знаеш како да се носиш со решенијата.

Не се одмаздувај никому, има Господ, сè гледа. Чекори храбро и чкрипи со забите. Твојата памет е доказ дека некои работи не се купуваат со пари. Еден ден сè ќе ти се врати’.

Среќен роденден мајко!“

А. Ј. | Црнобело