Горди сме! „На Струга дуќан да имам“ ечи среде Чикаго во изведба на детски хор од САД
- Детали
- среда, 06 декември 2023
Браво! Децата од хорот Roger’s Park Neighbourhood Choir од Чикаго со многу емоции ја испеаја една од најубавите македонски народни песни.
Детскиот хор од Чикаго на празничниот концерт Winter Glow, кој се одржа во салата на Chicago Simphony Orchestra, ја испеа македонската народна песна „Што ми е мило ем драго на Струга дуќан да имам“.
Тие добија огромен аплауз и овации од публиката, а Васил Гарванлиев, кој ги учеше да ја пеат песната, не криеше колку е горд на нив.
Тој на Инстаграм објави неколку видеа од нивниот настап.
„Огромна чест е што можев да ги научам овие млади музичари за македонското културно наследство и за работата што нè спојува сите - музиката. Ми помогна мојата најдобра пријателка Лиз Бејкер, која диригираше со Roger’s Park Neighbourhood Choir.
Моќта на музиката е способноста да му дозволиш некому да ѕирне во тебе и да им помогнеш да патуваат низ светот без да ја напуштат просторијата“, напиша Васил.
Самиот Васил пред публиката ја раскажа приказната за настанувањето на песната и за соработката со детскиот хор, каде што пред околу 20 години, кога беше дете, пееше и тој.
Слушнете ја нивната прекрасна изведба:
А. Ј. | Црнобело
Би можело да ве интересира:
Препорачуваме
Најчитани неделава
