Маја Гугоска е креативна охриѓанка која прави совршени новогодишни колачиња и декорации

Детали

сабота, 16 декември 2023

„Нема шанси ако нешто сум видела и ми привлекло внимание да не го пробам. Колачињата со ѓумбир се задолжителни за Божиќ, ги правам секоја година со помош на мојата ќерка. Двете деца сега се веќе големи, па не се нешто воодушевени од изработките, но први се за да ги пробаат“, вели Маја чии колачи и украси се вистинска инспирација.

Маја Гугоска од Охрид е сопруга и мајка на две деца, но и неверојатен креативец кој секоја година го претвора својот дом во новогодишна бајка.

Таа наоѓа време да подготви и вкусни колачиња, но и празнични украси и за себе, и за најблиските.

Нејзините креативни „направи сам“ проекти се вистинска инспирација.

Новогодишни колачиња

„Веќе неколку години експериментирам во кујната за празниците.

Нема шанси ако нешто сум видела и ми привлекло внимание да не го пробам. Колачињата со ѓумбир се задолжителни за Божиќ, ги правам секоја година со помош на мојата ќерка која ужива во подготовката.

Двете мои деца, кои се сега веќе големи, не се нешто воодушевени од изработките, но први се за да ги пробаат истите. Идеи добивам најмногу од Pinterest, но и од Инстаграм профили со таква содржина.

Не знам дали имам некој омилен рецепт, можеби мојата 'Божиќна убавица', а ѝ го дадов името поради периодот на подготовка.

Тоа е всушност едноставна чизкејк торта која доби празнична фотосесија.

Најкомплицирани за изработка ми се gingerbreаd куќарките. Лепењето на страниците и украсувањето бараат многу време и нерви, но задоволството кога е сè готово е бесценето“.

Погледнете ги фотографиите:

Продолжува на следната страница...