Магија во Скопје - Шоу на олдтајмери со сијалички и празнични украси ги расположи посетителите од цела земја (фото)

Детали

вторник, 26 декември 2023

Автомобили украсени со сијалички, со големи машни, празнични подароци и интересни натписи дојдоа од цела Македонија за дефилето на олдтајмери што се одржува петта година по ред во Скопје.

Во срцето на Скопје минатиот викенд (23.12), Буба клуб Македонија го организираше дефилето на олдтајмери.

Ова прераснува во прекрасна традиција, која се одржува веќе петта година по ред.

На дефилето учествуваа автомобилски клубови, но и индивидуалци од целата земја, кои со гордост ги покажаа своите автомобили, украсени во празнично руво.

„Го организиравме петтото по ред новогодишно дефиле и собир со колегите и пријателите од неколку клубови: ОТК Peugeot 404 Македонија, Gentlemen's Crew Skopje, OTK Олдтајмер Витези од Куманово, OTK Citroen 2CV Клуб Скопје и OТК Kings of the Street од Велес, како и неколку индивидуалци кои дојдоа со своите миленици и го збогатија собирот со нивното присуство.

Благодарност до сите кои зедоа учество! За многу години и среќна Нова година“, напишаа организаторите Буба клуб Македонија и објавија фотки на Фејсбук.

Погледнете ја прекрасната атмосфера која измами насмевка кај сите посетители, но и кај случајните минувачи:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

А. Ј. | Црнобело / фото: Фејсбук