Тројца мали херои - Дуа, Нила и Максим по скоро 80 дена конечно си заминаа дома од ГАК

Детали

вторник, 16 јануари 2024

Три бебиња, две девојчиња и едно момче, кои се родија со помалку од 2.000 грама, конечно си заминаа дома по скоро 80 дена поминати на ГАК во Скопје.

Дуа, Нила и Максим се тројцата мали херои кои денес (16.01) ја напуштија Клиниката за гинекологија и акушерство во Скопје.

Од ГАК велат дека ова се три нови успешни приказни кои се запишани на Одделението за интензивна нега и терапија на новородени деца.

Тие фотките од бебињата кои си одат дома ги објавија на својата Фејсбук страница:

„Дома во топлите прегратки на своите родители си заминаа уште три наши мали борци.

По 78 дена лекување и бројни интервенции, во добра состојба си замина малата хероина Дуа Адеми.

Родена е во 27-та гестациска недела, со тежина од 1.020 грама, а семејството си ја дочека дома со 2.900 грама.

По 78 дена поминати на ЈЗУ У Клиника за гинекологија и акушерство – Скопје, и малата Нила Ајдари замина дома.

Таа се роди со само 850 грама во 28-та гестациска недела, а ја испративме со 2.230 грама.

И малиот Максим Андреевски си замина од ОИНТ, со него најмногу се дружевме, дури 82 дена.

Максим се роди во 26-та гестациска недела со 1.010 грама, а сега има 1.810 грама.

На тројцата мали борци им посакуваме среќно детство, многу здравје, убави моменти и безброј радости. Само насмевки да им измамуваат на своите најблиски“.

А. Ј. | Црнобело