Илина Арсова објави фотки од снегот во Ноксвил, САД: „Ме потсеќа на детството во Скопје“

Детали

петок, 19 јануари 2024

„Некогаш Скопје беше прекриен со снег, а небото беше чисто и во зима“... Илина Арсова објави неколку фотографии од градот во САД каде што живее сега и емотивно се присети на деството во Скопје, каде што израсна.

Додека многумина се носталгични за некогашните големи снегови во Македонија, во зимските периоди, нашата уметница и алпинистка Илина Арсова објави повеќе фотки од САД, за да нè потсети како во минатото изгледаа македонските градови во зимските месеци.

Познато е дека Илина Арсова во последната година престојува во САД, каде е на докторски студии и каде доби стипендија, а на социјалните мрежи редовно споделува фотографии од животот таму и од нејзиното секојдневие.

Илина во моментов предава на Универзитетот во Тенеси, а претходно во интервју за CRNOBELO.com таа рече дека климата во гратчето Ноксвил навистина ѝ се допаѓа и ја потсетува на дома.

Деновиве таа објави неколку фотографии од градот кој е прекриен со снег, па повторно го спореди со зимите што некогаш ги имавме во Македонија и во Скопје.

„Зима во Роки Топ. Јеј! Овој пејзаж прекриен со снег не е типичен за Тенеси. Преубав е и ме потсетува на зимите во Скопје, кога бев дете.

Град прекриен со снег, забавни детски игри со лизгање во парковите и во малите локални игралишта што повеќе не постојат и чистите неба што во минатото беа дел од скопскиот пејзаж дури и во зима.

За жал, повеќе Скопје нема чисто небо. Треба ли да сториме нешто дури не е предоцна?“ – порача Илина.

Инаку, Илина неодамна ја промовираше својата сликовница „Највисокиот врв“, а често објавува фотки од нејзините патувања и нови уметнички дела.

Погледнете дел од нив во продолжение:

Прочитајте и Илина Арсова за животот во САД и докторските студии: „Го живеам својот сон, но едвај чекам да се вратам во Македонија“

Б. С. Б. | Црнобело