Тони од Кочани е мал херој: Се роди со тежина од 1.100 грама, по 58 дена борба си оди дома

Детали

понеделник, 29 јануари 2024

Малиот Тони од Кочани е предвремено родено бебе кое успеа да ги надмине предизвиците на прераното раѓање и да си замине дома со неговите родители.

Како што информираат од Одделот за интензивна нега и терапија (ОИНТ) при Универзитетска клиника за гинекологија и акушерство во Скопје (ГАК), малиот Тони бил роден во 31-ва недела од бременоста со тежина од 1.100 грама.

На голема радоста на медицинскиот персонал кој неуморно се грижел за него во изминатите 58 дена, Тони успеал да се избори со предизвиците и со тежина од 1.840 грама да си замине дома.

„Биди среќен наш мал борецу и имај детство исполнето со љубов и здравје.

Уживај во прегратките на твоите родители додека растеш во среќно и здраво дете“ – му порача персоналот на ГАК на официјалната Фејсбук страница.

Инаку, минатата недела од ГАК информираа дека клиниката ја напуштија уште три мали хероини: Севда, Алиња и Мира.

Б. С. Б. | Црнобело