Кристина Димитри за новиот дечко: „Се запознавме во Белград, секое утро ме буди со кафе и појадок“

Детали

понеделник, 19 февруари 2024

„Се запознавме во Белград. Ме привлече со неговиот изглед, за мене тој е најубавиот маж. Но, ме освои со начинот на кој ме сака. А тоа е безусловна љубов“ - Кристина Димитри првпат прозборе за новиот дечко, кој е од Србија.

Кристина Димитри, која неколкупати преку Инстаграм навести дека по подолго време е заљубена, објави први фотографии со дечкото.

На нив, таа сепак му го крие лицето и не сака да го открие неговиот идентитет.

Парот неодамна беше на патување во Брисел, и таму се направени и фотките со кои Кристина го привлече вниманието.

Димитри, која не зборува многу за својот љубовен живот, сега, во разговор за CRNOBELO.com, откри дека се запознале во Белград и дека тој од првиот миг бил искрен со неа, но и во своите намери да ѝ покаже дека му значи и дека ја сака.

„Заедно сме од моментот кога првпат се запознавме, не сме се разделиле воопшто.

Ме привлече со неговиот изглед, за мене тој е најубавиот маж. Но, ме освои со начинот на кој ме сака. А тоа е безусловна љубов.

Искрено, направи сè за да ми докаже дека е сериозен во намерите спрема мене.

Се појави и кажа: ‘Ти си таа, тоа е тоа'. Така што, сè ви е јасно.

Тој секое утро станува пред мене, а кога ќе се разбудам ме чекаат кафе и појадок.

Секогаш стои не позади мене, туку пред мене - така се чува личноста која ја сакаш најмногу.

Ние се запознавме во Белград, тоа е сепак мојот среќен град.

Но, не постои далечина меѓу нас. Секаде сме заедно, во секој град, држава.

Кога сакаш некого искрено, не можеш да си далеку од него повеќе од 2-3 часа“, ни кажа Кристина.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело / фото: Приватна архива