Калиопи ѝ го разубави роденденот на обожавателката што ѝ го украде шоуто во Белград: „Сфатив за што и за кого постојам“
- Детали
- сабота, 17 февруари 2024
„Успеавме да го оствариме сонот на Ана, затоа што дома пеејќи ги моите песни рекла дека би сакала Калиопи да ѝ ја испее песната Rodjendan“ – напиша Калиопи до видеото на кое се гледа како успеала да ѝ го разубави роденденот на својата мала обожавателка.
Малите Ана и Мила успеаја да го украдат шоуто за време на големиот концерт на Калиопи во Белград, кои ги научиле песните на нашата поп дива, благодарение на нивната мајка Данијела.
Видеото во кое двете девојчиња на цел глас ги пеат хитовите на Калиопи за брзо време се прошири во сите балкански медиуми.
Сега нашата пејачка одлучи да ѝ ја исполни желбата на малата Ана и за нејзиниот роденден да ѝ ја отпее песната Rodjendan во живо.
Калиопи на својот Инстаграм профил објави кратко видео од средбата со нејзините две мали обожавателки во Скопје, кога заедно го прославиле роденденот на малата Ана, но и на нивниот татко Дејан кој е роден на истиот ден.
„Се сеќавате на малите Ана и Мила од мојот концерт во Белград? Да, тоа се оние две што ми го украдоа ’шоуто‘! И ми го украдоа срцето, во истиот миг кога го видов нивното видео!
Благодарение на нивната мајка Данијела, стапивме во контакт и успеавме да го оствариме сонот на Ана, затоа што дома пеејќи ги моите песни рекла дека би сакала Калиопи да ѝ ја испее песната Rodjendan за нејзиниот роденден.
Па затоа што и на татко им Дејан на истиот ден му е роденден (15.02) тие одлучија да допатуваат во Скопје, каде што ја договоривме средбата. Секако Мила и Ана немаа поим за овој наш план.
Сè останато се слики длабоко врежани во сеќавањето, што долго, долго ќе ги носиме во срцата. И повторно, по не знам којпат, сфатив зошто и за кого постојам. Ти благодарам животе“ – напиша Калиопи до видеото.
Погледнете како изгледаше роденденската забава што Кaлиопи ја организира за својата мала обожавателка:
Б. С. Б. | Црнобело
Би можело да ве интересира:
Препорачуваме
Најчитани неделава
