Мартија го промовираше спотот снимен во Дубаи: Брзи автомобили, сцени во пустина (видео)

Детали

вторник, 14 мај 2024

По две години пауза, Мартија Станојковиќ има нова песна, а спотот го сними на неколку локации во Дубаи.

Пејачката Мартија Станојковиќ вчера (13.05) го промовираше спотот за нејзината нова песна „Анатомија“.

Песната во модерен стил, со брз ритам, Мартија ја направи во соработка со Дарко Димитров, кој се погрижи за музиката и продукцијата, а текстот е на Јанг Дади. Спотот, пак, е снимен на неколку локации во Дубаи.

Мартија игра во пустина облечена во бело, во сцените има и „бесно“ Lamborghini, дел од спотот е снимен на плажа, но има и кадри на некои од највпечатливите локации во градот.

Мартија уште во март преку Инстаграм најави дека работи на нова музика, и тоа со фотографија од студиото на Лазар Цветковски.

„Спремаме песни за пролет и лето“, напиша тогаш таа.

Поради ова, оние што ја сакаат нејзината музика очекуваат уште неколку нови песни од Мартија во текот на годинава.

Ова е прва песна на Мартија по повеќе од две години. Нејзината претходна песна Ne voliš, излезе летото 2021 година.

Погледнете го видеото од „Анатомија“:

 А. Ј. | Црнобело