Сања Ристиќ емотивна за роденденот на синот: „Ова дете може да ме расплаче со една реченица“

Детали

петок, 17 мај 2024

„Да си ми најсреќен, среќен роденден“ – напиша меѓу другото Сања Ристиќ до фотките од роденденската прослава на нејзиниот син Иан. Нејзиниот дечко Перо Антиќ прв му честиташе во коментарите под фотките.

Сања Ристиќ која во моментов работи како менаџер на семејна компанија и е во врска со претседателот на кошаркарската федерација на Македонија, Перо Антиќ, на својот Инстаграм профил објави фотографии од прославата на осмиот роденден на нејзиниот син Иан.

Таа на синот му приредила тематска забава во локал со фудбалски терен како и торта со фудбалска топка и со знакот на неговиот омилен фудбалски тим - Real Madrid.

„Ова дете, што може од среќа да ме расплаче со една реченица, што умее денот да ми го разубави во секунда, што знае најубаво да гушне и што има очиња што најубаво се смеат, денес наполни 8-мица цела!

Да си ми најсреќен мама мој, среќен роденден“ – му порача таа на синот.

Под фотографиите во коментарите, меѓу првите се огласи нејзиниот сегашен дечко Перо Антиќ, кој кратко напиша:

„Жив, здрав лепотанот“.

Инаку, Сања и Перо се во врска во последниве неколку месеци и редовно објавуваат заеднички фотки и не ја кријат љубовта.

Во јануари тие за првпат објавија заедничка фотка во пижами и ги потврдија гласините дека се во врска.

Освен што отворено ја искажуваат својата љубов еден кон друг, тие двајца неодамна беа заедно на островот Родос во Грција заедно со нивните деца од претходните бракови.

За потсетување, Перо има 3 сина од претходниот брак, додека Сања има два сина.

Прочитајте и Сања Ристиќ не ја крие љубовта кон Перо Антиќ: „Моето срце е за медал, ги собира сите овие 211cm“

Б. С. Б. | Црнобело