Водителката Елена Стојановска на 43 години си го исполни сонот: почна да учи балет, настапи во претстава во МОБ

Детали

вторник, 18 јуни 2024

„Заедно со малите и големите балерини настапивме на сцената на МОБ во претставата ‘Тајната на кукларот’. Се разбира аматерски, но за мене беше преубаво искуство и мала лична победа. Се радувам на следната сезона“, напиша водителката на Инстаграм и призна дека си исполни еден дамнешен сон.

Водителката Елена Стојановска (43) настапи на сцената на МОБ, во балетската претстава „Тајната на кукларот“.

Таа од неодамна оди на часови по балет, нешто што сакала да го прави од дете, но дури сега почнала да си ги исполнува детскиот сон.

Со членовите на балетското студио, Елена неодамна имаше завршна претстава, од која објави неколку фотки и видеа на Инстаграм.

„Заедно со малите и големите балерини настапивме на сцената на МОБ во претставата ‘Тајната на кукларот’. Се разбира аматерски, но за мене беше преубаво искуство и мала лична победа.

Благодарност до ‘Студио Балерина’, Маја, Кала и Сара за довербата. Се радувам на следната сезона“, напиша таа.

Откри и дека од балетското студио добила благодарница за учеството во претставата, со која се гордее.

Елена, која важи за една од најзгодните и најнегувани водителки кај нас, откри дека почнала да оди на часови по балет во февруари.

Тогаш сподели слика од балетското студио, па се пошегува дека „иако нема да игра во ‘Лебедово езеро’, сепак ужива бидејќи си исполнила еден дамнешен сон“.

Погледнете повеќе фотографии:

Прочитајте и Елена Стојановска за стилот и убавината: „Не внимавам на исхраната, од вежбање се откажувам по 2-3 недели“