Марјан Петров беше единствен шминкер на фестивал во Белград: „За Ноле имаше посебен влез, Ник Кејв е многу опуштен“

Детали

среда, 19 јуни 2024

„За Ноле имаше посебен влез преку кој беше спроведен до ВИП делот и посебно обезбедување. Не разговаравме многу, се ракувавме, се фотографиравме, а тој беше насмеан цело време и делуваше дека навистина ужива во вечерта“, вели струмичанецот Марјан Петров, кој вторпат беше ангажиран како фризер и шминкер на фестивал во Белград.

Нашиот Марјан Петров изминативе два дена (17 и 18 јуни) престојуваше во Белград, каде што беше ангажиран како единствен фризер и шминкер на големиот музички фестивал Belgrade River Fest.

Ова е втор ангажман на Марјан на истиот фестивал, откако и лани организаторите го поканија да биде дел од големото случување.

На годинашниот фестивал, главна ѕвезда беше легендарниот Ник Кејв, кој одржа концерт вчеравечер, а за кого Марјан вели дека добил впечаток дека е многу опуштена личност.

Но, тој го запозна и Новак Ѓоковиќ, кој во моментов е во Србија, па се фотографира со него.

За несекојдневното искуство, Марјан раскажа за CRNOBELO.com:

„Ова е втора година по ред организаторките на настанот да ме ангажираат како единствен и официјален шминкер и фризер на фестивалот.

Фестивалот се одржува трета година по ред, а премиерното издание беше во 2022, кога во Белград настапи Андреа Бочели, а Јелена Томашевиќ му беше специјална гостинка.

Потоа Јелена настапи на концертот на Бочели во Абу Даби, а бидејќи во тоа време јас бев во Дибаи, се договоривме да ја нашминкам и да ѝ ја средам фризурата за настапот.

И така некако тргна соработката со Belgrade River Fest - Јелена ме препорача кај организаторките кои се нејзини одлични пријатели, а кои, откако без задоволни од сработеното лани, и годинава ме ангажираа мене, иако има голем број фризери и шминкери од Србија кои се одлични во својата работа.

Фестивалот има навистина одлична организација, вистински светски настан кој се одржува во наша близина.

Па, освен што работев, имав можност да се дружам со Иван Босиљчиќ и Јелена кои ми се и приватно блиски пријатели, но и со Наташа Беквалац, Слобода и Драгана Миќаловиќ и други.

Имав можност да го запознам и Ник Кејв, непосредно пред неговиот настап и ми остави впечаток на навистина опуштен човек.

Продолжува на следната страница...